აქცია არჩევნების მეორე ტურის პარალელურად გაიმართება და ამ ფორმით არჩევნების გაყალბებულ შედეგებს კიდევ ერთხელ გააპროტესტებენ.

ოპოზიციის წარმომადგენლების განცხადებით, პოლიტიკური კრიზისიდან ერთადერთი გამოსავალი პარლამენტში შესვლაზე უარის თქმა და ხელახალი არჩევნების დანიშნვაა:

„ჩვენი გეგმები არ იცვლება ... იგივე მოთხოვნები გვაქვს: ახალი არჩევნები, პოლიტპატიმრების გათავისუფლება და რა თქმა უნდა, ყველა დონეზე ცენტრალური საარჩევნო კომისიის ადმინისტრირების თავისუფალი და გამჭვირვალე წესით დაკომპლექტება. სახელმწიფო ინსტიტუტებია რ გაგვაჩნია და ეს სახელმწიფო ინსტიტუტები მიტაცებულია ისევე, როგორც პარლამენტი და ყველა კანონის უზენაესობის ინსტიტუტი ერთი ადამიანის მეირ, ბიძინა ივანიშვილის მიერ“ - განაცხადა ნაციონალური მოძრაობის წევრმა ხატია დეკანოიძემ.

ოპოზიციური ერთობის წევრები თანხმდებიან იმაზე, რომ პარლამენტში შესვლა „ქართულ ოცნებაში“ გაწევრიანებას ნიშნავს, რაც მათთვის დაუშვებელია.

არჩევნების მეორე ტური 21 ნოემბერს გაიმართება და ქვეყნის მასშტაბით 17 მაჟორიტარულ ოლქში ჩატარდება.