ამერიკის სახელმწიფო მდივანმა, მაიკ პომპეომ , საქართველოს პრეზიდენტთან, სალომე ზურაბიშვილთან შეხვედრის შემდეგ განცხადება გამოაქვეყნა ტვიტერზე სადაც იგი ამბობს, რომ ამერიკის თანამშრომლობას საქართველოსთან რუსული ოკუპაციის შეჩერებაში უდიდესი მნიშვნელობა გააჩნია.

„ძალზე კარგი შეხვედრა გვქონდა დღეს ქალბატო ზურაბიშვილთან. ამერიკისა და საქართველოს თანამშრომლობას უზენაესი მნიშვნელობა გააჩნია, ჩვენი მხარდაჭერა კი საქართველოს სუვერენიტეტის მიმართ რუსული ოკუპაციის ფონზე ურყევი და მტკიცეა“ - აღნიშნა პომპეომ.