ევროპული საქართველოს ერთ-ერთი ლიდერი, გიგა ბოკერია, აშშ-ის სახელმწიფო მდივნის გზავნილს ეხმაურება სამართლიან და თავისუფალ არჩევნებთან დაკავშირებით.

ბოკერიას თქმით, მაშინ როდესაც აშშ-ში არჩევნები ახალი დამთავრებულია და ჯერ კიდევ ტრანზიციის პერიოდია, ამ დროს სახელმწიფო მდივნის ჩამოსვლა და ქვეყნის სუვერენიტეტის მხარდაჭერა რუსული აგრესიის ფონზე და ასევე გზავნილი თავისუფალ და სამრთლიან არჩევნებთან დაკაშირებით, მნიშვნელოვანი ნაბიჯია აღმასრულებელი ხელისუფლების დონეზე.

ბოკერიას თქმით, მნიშვნელოვანია, რომ ეს გზავნილი კარგად გაიგოს ბიძინა ივანიშვილმა.

„ეს მნიშვნელოვანი გზავნილია, ასეთ ვითარებაში, არჩევნების შემდეგ შეერთებულ შტატებში, ამ ტრანზიციის დროს, ამდენი გამოწვევის ფონზე, თავისუფალი სამყაროს ლიდერი სახელმწიფოს სახელმწიფო მდივანი, საქართველოში ჩამოდის ამ ორ საკითხთან დაკავშირებით, მხარდაჭერაზე საქართველოსი, მისი სუვერენიტეტის რუსული აგრესიის ფონზე და ქვეყნის შიგნით ამ უმძიმეს გამოწვევაზე, რაც დემოკრატიას და სამართლიან არჩევნებს უკავშირდება, თავისუფალი სამყაროს დიპლომატიურ ენაზე ეს არის რისი თქმაც ხდება ხოლმე აღმასრულებელი ხელისუფლების დონეზე ყოველთვის.

თუმცა, ჩვენ არ ვიცით, ავტორიტარულ რეჟიმებს ახასითებთ წაყრუება ხოლმე, ამიტომ, მე ბევრჯერ მკითხეს, ივანიშვილი გაიგებს თუ არა ამ გზავნილსო, საბოლოო ჯამში, ჩვენი ამოცანაა, რომ გაიგოს, რადგან ქვეყანა ზიანდება ყოველ დღე, სანამ ის ხელისუფლებაშია.“ - განაცხადა ბოკერიამ.