ოპოზიციას მარტივ დებატებს ვთავაზობთ, კონკრეტულ ტელევიზიაში

ოპოზიციას მარტივ დებატებს ვთავაზობთ, კონკრეტულ ტელევიზიაში - ირაკლი კობახიძე

პოლიტიკა - 15:16, 18 Nov, 2020

864

„ქართული ოცნების“ ოფისში გამართულ ბრიფინგზე მმართველი გუნდის აღმასრულებელმა მდივანმა ირაკლი კობახიძემ ოპოზიციასთან დებატებზე ისაუბრა და აღნიშნა, რომ ის ოპონენტებს კონკრეტულ ტელევიზიაში სადებატოდ იწვევს და არა შოუს მოსაწყობად.

მისი განცხადებით, ოპოზიციას თუ არ ეშინია სიმართლის, მაშინ ამ შემოთავაზებას დათანხმდება:

„ჩვენ ვთავაზობთ მარტივ დებატებს კონკრეტულ ტელევიზიაში, გამომდინარე იქიდან, რომ შემოთავაზება გაჟღერდა „რუსთავი 2“-ზე, მზად ვართ, მათ მივანიჭოთ ერთგვარი ექსკლუზივი დებატების ორგანიზების. შეგვიძლია დავსხდეთ კონკრეტულ ტელევიზიაში და მშვიდ გარემოში ერთად გავცვალოთ არგუმენტები იმასთან დაკავშირებით, რამდენად იყო რაიმე არსებითი ხარვეზები გამოვლენილი არჩევნებში. თუ მათ არ აქვთ შიში სიმართლის მიმართ, ასეთ შემთხვევაში უნდა დათანხმდნენ კლასიკურ დებატებს და ესაა ჩვენი შეთავაზება“,- განაცხადა კობახიძემ.

შეგახსენებთ, რომ 21 ნოემბერს არჩევნების მეორე ტური გაიმართება, რომელშიც ოპოზიციის აბსოლუტური უმრავლესობა მონაწილეობის მიღებაზე უარს ამბობს, რადგან ბევრი დარღვევის ფონზე იკვეთება არჩევნების გაყალბების სერიოზული ფაქტები. ამასთან დაკავშირებით ოპოზიცია და ამომრჩეველი პერმანენტულ აქციებს მართავს და ხელახალ არჩევნებს ითხოვს.