ილია მეორემ აშშ-ს სახელმწიფო მდივანი დალოცა, რომელმაც, თავის მხრივ, პატრიარქთან შეხვედრის გამო სიხარული გამოხატა. აღნიშნულ ინფორმაციას საქართველოს საპატრიარქოს საზოგადოებასთან ურთიერთობის სამსახური ავრცელებს.

"შეხვედრის დაწყებისას სრულიად საქართველოს კათალიკოს-პატრიარქმა დალოცა სახელმწიფო მდივანი მ. პომპეო, რომელმაც, თავის მხრივ, სიხარული გამოხატა უწმინდესთან შეხვედრის გამო", - ნათქვამია განცხადებაში.

ასევე, აშშ-ს სახელმწიფო მდივანმა და პატრიარქმა ილია II-ემ მსოფლიოში რელიგიის თავისუფლების მხარდაჭერის კუთხით საქართველოს მნიშვნელოვანი როლი განიხილეს.

ცნობისთვის, შეხვედრას ესწრებოდნენ საპატრიარქო ტახტის მოსაყრდრე, შიო (მუჯირი), საქართველოს საპატრიარქოს საგარეო ურთიერთობის განყოფილების თავმჯდომარე, გერასიმე (შარაშენიძე), გორისა და ატენის მიტროპოლიტი ანდრია (გვაზავა), საპატრიარქოს საზოგადოებასთან ურთიერთობის სამსახურის ხელმძღვანელი, დეკანოზი ანდრია ჯაღმაიძე, აშშ-ს საგანგებო და სრულუფლებიანი ელჩი საქართველოში, კელი დეგნანი და სხვა ოფიციალური პირები.

ცნობისთვის, პომპეომ ოფოციალური შეხვედრები პრეზიდენტთან, პრემიერთან, საგარეო მინისტთან , საქართველოს კათალიკოს-პატრიარქთან და არასამთავრობოებთან გამართა. პომპეო ოპოზიციას არ შეხვდა.