ზურაბ ცერცვაძის ფოტორეპორტაჟი სპეციალურად "ნიუპოსტისთვის".

"არჩევნები გაყალბებულია" - ოპოზიციისა და გაბრაზებული ამომრჩევლის მიერ გამართული მდუმარე აქცია რუსთაველის გამზირზე დასრულდა.

მთავარ გამზირზე შეკრებილებმა ამ ფორმით, ამერიკის შეერთებულ შტატებს, აშშ-ის სახელმწიფო მდივან, მაიკლ პომპეოს დაანახეს, რომ "რუსმა ოლიგარქმა არჩევნები გააყალბა".

აქციის მონაწილეებმა შეკრება, მაიკ პომპეოს ვიზიტის პარალელურად დილის 11:00 საათიდან დაიწყეს.

აღსანიშნავია, რომ აქცია დისტანციის დაცვით ჩატარდა. აქციის მონაწილეები სპეციალურ სტიკერებზე იდგნენ, სადაც ბიძინა ივანიშვილის და ვლადიმერ პუტინის ფოტოებია გამოსახული.

აქციის მონაწილეებს ხელში ეჭირათ საქართველოსა და აშშ-ის დროშები და ასევე, საარჩევნო ოქმის გამოსახულებიანი სტიკერი, სადაც ჩანს, რომ არჩევები "ტოტალურად გაყალბდა".