"41 ლარი ტყუილისთვის" - ბექა ბასილაია ირაკლი კობახიძეს უჩივის

პოლიტიკა - 12:33, 17 Nov, 2020

1269

ადვოკატ ბექა ბასილაიას თბილისის საქალაქო სასამართლოში „ქართული ოცნების“ აღმასრულებელი მდივნის ირსკლი კობახიძის წინააღმდეგ სარჩელი შეაქვს. ადვოკატის განმარტებით, ცრუ ინფორმაციის გავრცელებისთვის, კობახიძისგან ბოდიშის მოხდას და მორალური ზიანის ანაზღაურებისთვის სიმბოლურად 41 ლარის დაკისრებას ითხოვს.

„მოგეხსენებათ ირაკლი კობახიძის განცხადების საფუძველზე, სუს-ში მიმდინარეობს გამოძიება სრულიად აბსურდულ საქმეზე და პატიოსან ადამიანებს, ომის ვეტერანებს, ტაქსის მძღოლებს, მოვაჭრეებს დაატარებენ ხან სუს-ში, ხან სასამართლოში და მათ მიმართ გაისმის ბრალდებები, თითქოს მათი მხრიდან ადგილი ჰქონდა დესტაბილიზაციის და არეულობის მცდელობას. მიმდინარე წლის ოქტომბერში, ირაკლი კობახიძემ რამდენიმე გზის, სხვადასხვა მედიასაშუალებების, თუ პირადი „ფეისბუქის“ გვერდის გამოყენებით, გაავრცელა არსებითად მცდარი, სინამდვილესთან შეუსაბამო ინფორმაცია. ამ ინფორმაციის გავრცელებასთან დაკავშირებით, ჩვენ ვითხოვთ მისი პასუხისმგებლობის საკითხს და შეგვაქვს სამოქალაქო სარჩელი საქალაქო სასამართლოში, რომლითაც ირაკლი კობახიძეს მოეთხოვება უარყოს გავრცელებული მცდარი ინფორმაცია და ამ ხალხის წინაშე ბოდიში მოიხადოს. სარჩელი კოლექტიურია და მას ათეულობით ადამიანი აწერს ხელს, კობახიძემ მათ წინაშე ბოდიში მოიხადოს და ამავდროულად, ცრუ ინფორმაციისთვის საკონპესაციოდ დაეკისროს მორალური ზიანის ანაზღაურება სიმბოლურად, 41 ლარის ოდენობით.

ჩვენ ვიცით, თუ როგორი კონტროლის ქვეშ ჰყავს „ქართულ ოცნებას“ სასამართლო და მაქსიმალურად შეეცდებიან ამ პროცესის გაჭიმვას, იმიტომ რომ შეუძლებელია ამ პროცესის შემდეგ შედეგი არ დადგეს ირაკლი კობახიძის გამტყუნების თვალსაზრისით. შეუძლებელია, ამ სასამართლოს პირობებშიც კი, მას არ მოუწიოს ბოდიში მოხდა. ამავდროულად, მინდა სახელმწიფო უსაფრთხოების სამსახურს მივმართო, რომელიც იქცა „ქართული ოცნების“ უსაფრთხოების სამსახურად, რომ ეს აბსურდული გამოძიებები შეწყვიტოს“. იმ ვითარებაში, როდესაც, ფასილიტატორების თანდასწრებით მიმდინარეობს მოლაპარაკებები, როდესაც, ყველა საერთაშორისო ავტორიტეტული ორგანიზაცია საუბრობს, თუ როგორ გაყალბდა არჩევნები. ცრუ მითითება იმაზე, თითქოს და არჩევნების დღეს ვინმე გეგმავდა დესტაბილიზაციას და ესენი იყვნენ ქართველი ვეტერანები, პოლიციის, თავდაცვის სამინისტროს და ა.შ. ვეტერანები. ადამიანები, რომლებიც ცესკოს მიერ აკრედიტირებული იყვნენ ოფიციალურ დამკვირვებლებად, ეს არის პირდაპირი პროპაგანდისტული საქმე და ამ საქმეს წერტილი უნდა დაესვას. ამ საქმის წარმოება ემსახურება მხოლოდ და მხოლოდ პატიოსანი ადამიანების წნეხს“. - განაცხადა ადვოკატმა.- განაცხადა ბასილაიამ.