ელექტროენერგიის საფასური ძვირდება

საზოგადოება - 21:36, 16 Nov, 2020

1901

მიუხედავად იმისა, რომ გვარწმუნებენ, თითქოს ეკონომიკა არც თუ ისეთ ცუდ დღეშია, როგორც ამას მედიასაშუალებები აშუქებენ, ლარის გაუფასურება მოსახლეობისთვის ისეთი კატასტროფა არაა, როგორც აღიქვამენ, გაზრდილ ფასებსაც ეშველება და ამასთან, წინასაარჩევნო ტკბილი დაპირებები, რომლებიც სიღარიბით გამწარებულ მოქალაქეებს ცოტათი მაინც ამშვიდებს, ჯერ არ გაციებულა, კიდევ ერთ მწარე რეალობას ვეჩეხებით ცხვირით, რომელიც საკმაოდ მტკივნეულად აღსაქმელია - 2021 წლიდან ელექტროენერგიაზე ტარიფი მოიმატებს.

ელექტროენერგიის გაძვირება ცხოვრების გაძვირების ტოლფასია, რადგან მაშინვე იმატებს ფასები სურსათსა და სხვა საყოფაცხოვრებო საშუალებებზე.

ჯერ-ჯერობით, მოსახლეობას ამშვიდებს ის გარემოება, რომ სამი თვე გარკვეულ ნიშნულამდე დაწერილ დავალიანებას ელექტროენერგიასა და ბუნებრივ აირზე ხელისუფლება გაუსტუმრებს ბიუჯტიდან, თუმცა, რა იქნება შემდგომ, ეს ჯერ არავინ იცის.

რამდენი იქნება ელექტროენერგიის ახალი ტარიფი, ამ ეტაპზე უცნობია. სემეკში სხდომა დეკემბრის თვეშია ჩანიშნული და იქ განიხილავენ იმ ტარიფს, რომელიც მომდევნო სამი წლის განმავლობაში იქნება დაწესებული.

წინასწარი შეფაებით, სემეკი იძლებულია ტარიფი გაზარდოს, წინააღმდეგ შემთხვევაში ქვეყანა უშუქოდ დარჩება.