გირჩი ე.წ. "სირცხვილის დერეფნის" მოწყობაში მონაწილეობას არ მიიღებს

გირჩი ე.წ. "სირცხვილის დერეფნის" მოწყობაში მონაწილეობას არ მიიღებს - ზურაბ ჯაფარიძე

პოლიტიკა - 16:56, 16 Nov, 2020

1220

"გირჩის" ლიდერის ზურაბ ჯაფარიძის განცხადებით, ის ე.წ. "სირცხვილის დერეფნის" მოწყობაში მონაწილეობას არ მიიღებს, თუმცა მშვიდობიანი პროტესტის ნებისმიერი ფორმა მისთვის მისაღებია.

ჯაფარიძემ ასევე შეაფასა საქართველოში მიხეილ სააკაშვილის ჩამოსვლის საკითხი და აღნიშნა, რომ ეს მხოლოდ მისი გადასაწყვეტია, თუმცა, ოპოზიციაში არიან ადამიანები, რომელთაც მიშას მიმართ ნეგატიური დამოკიდებულება აქვთ:

„გირჩი“ არ აწყობს ე.წ. სირცხვილის დერეფანს, მაგრამ ჩემი აზრით, როდესაც არჩევნებს მოგპარავენ, ნებისმიერი მშვიდობიანი პროტესტი მისაღებია. სხვა პარტიას თუ უნდა რამე მსგავსის გაკეთება, უნდა და გააკეთებს.

რაც შეეხება სააკაშვილის ჩამოსვლას, ოპოზიციაზე მიხეილ სააკაშვილის ფაქტორი სხვადასხვანაირად მოქმედებს. ოპოზიციის შიგნით არიან პოლიტიკური ძალები, რომლებსაც უარყოფითი დამოკიდებულება აქვთ სააკაშვილთან და ამ ნაწილში უარყოფითად მოქმედებს. მე ნაკლებად მაინტერესებს, სიმართლე რომ გითხრათ, საერთოდ არ მაღელვებს. მიხეილ სააკაშვილს ვუყურებ, როგორც პოლიტიკოსს, რომელსაც თავისი პირადი დღის წესრიგი აქვს და მის გატარებას ცდილობს", - აღნიშნა ზურაბ ჯაფარიძემ.

შეგახსენებთ, რომ გუშინ ბათუმში გამართულ აქციაზე ნაციონალური მოძრაობის წევრმა ლევან ვარშალომიძემ გააჟღერა ინიციატივა, რომლის მიხედვითაც 21 ნოემბერს, არჩევნების მეორე ტურზე მისულ ამომრჩევლებს სირცხვილის კორიდორი უნდა მოუწყონ.