ეს იყო უკან გადადგმული ნაბიჯი, არჩევნები არ შეესაბამებოდა დემოკრატიულ სტანდარტებს

ეს იყო უკან გადადგმული ნაბიჯი, არჩევნები არ შეესაბამებოდა დემოკრატიულ სტანდარტებს - თინა ბოკუჩავა IRI-ს კვლევაზე

პოლიტიკა - 16:30, 16 Nov, 2020

838

"საერთაშორისო რესპუბლიკური ინსტიტუტის" (IRI) კვლევას "მაციონალური მოძრაობის" მდივანი თინა ბოკუჩავა ეხმიანება და აცხადებს, რომ მაღალი რეპუტაციის მქონე არასამთავრობო ორგანიზაციებმაც კი დაინახეს, თუ როგორ არასამართლიან გარემოში ჩატარდა არჩევნები. ბოკუჩვას შეფასებით, ეს იყო უკან გადადგმული ნაბიჯი, რომელიც არ შეესაბამება დემოკრატიის სტანდარტებს:
"IRI-ს ანგარიში იყო ძალიან მწვავე და მოსალოდნელიც იყო ამგვარი შეფასება. როგორც ძალიან მაღალი რეპუტაციის მქონე ადგილობრივმა არასამთავრობო ორგანიზაციებმა თქვეს, ეს იყო ყველაზე ცუდი არჩევნები, რაც კი ჩაუტარებია "ქართულ ოცნებას", ეს იყო უკან გადადგმული ნაბიჯი, ეს არჩევნები არ შეესაბამებოდა დემოკრატიულ სტანდარტებს და, რა თქმა უნდა, იგივე ტიპის შეფასებებს ვისმენთ სწორედ საერთაშორისო სადამკვირვებლო ორგანიზაციების მხრიდანაც" - აცხადებს ბოკუჩავა.

შეგახსენებთ, რომ IRI-ს მიერ გამოქვეყნებულ შუალედურ ანგარიშში მწვავედ არის გაკრიტიკებული საარჩევნო გარემო ქვეყანაში და ნათქვამია, რომ ჩატარებულმა არჩევნებმა ვერ დააკმაყოფილა საკონსტიტუციო სტანდარტები.ანგარიშში ასევე გამოყოფილია ე.წ. კარუსელების, შესაძლო მოსყიდვების, ადმინისტრაციული რესურსების გამოყენებისა და ჭარბი რაოდენობით კოორდინატორების საარჩევნო უბნებთან მობილიზების შემთხვევები.