„ლელოს“ ოფისში ოპოზიციის წარმომადგენლები იკრიბებიან. ისინი იმ სამოქმედო გეგმაზე იმსჯელებენ რომლის მიხედვითაც საპროტესტო აქციები უნდა გაგრძელდეს.

ოპოზიციის წარმომადგენლები აცხადებენ, რომ მათი მთავარი მოთხოვნა, ჩატარდეს ხელახალი არჩევნები უცვლელია.

"ჯერ გამოვიდა ბატონი კალაძე და თქვა , რომ არავითარი ხელახალი არჩევნები ამ ქვეყანაში არ ჩატარდება, რაც იმას ნიშნავს, რომ პარქტიკულად მოლაპარაკებები დასრულებულია, მაგრამ ამავედროს მოვისმინეთ არჩილ თალაკვაძის განცხადება, რომელმაც თქვა, რომ მოლაპარაკებების კარი ღიაა და არსებობს შანსი პოზიციების დაახლოების, რომელია აქედან ხელისუფლების პოზიცია, ძალიან ვთხოვთ, გაგვარკვიონ, რომ ჩვენც ვიცოდეთ," - თქვა ზაალ უდუმაშვილმა.