"ხალხი არ ყალბდება, ხალხი რუსთაველზე დგას" - ასე მიმართა გაერთიანებული ოპოზიციისა და ერთიანი ნაციონალური მოძრაობის ლიდერმა, ნიკა მელიამ რუსთაველზე, პარლამენტთან შეკრებილ მოსახლეობას.

პოლიტიკოსმა შესავალ სიტყვაში თქვა, რომ სხვადასხვა გემოვნების პოლიტიკური პარტიები არჩევნების ტოტალურად გაყალბებამ გააერთიანა.

მისი თქმით, პარლამენტის წინ შეკრებილი განსხვავებული პოლიტიკური ლიდერები და ხალხი ერთიანი სწორედ თავისუფლებაშია.

მისი განცხადებით, ოპოზიცია პარლამენტის წინ შეკრებილი ხალხია ერთიანია თავისუფლებაში, ლიდერები, პარტიები, ხახლი განსხვავებულები არიან, თუმცა მათი არჩევანი ერთიანია. "ჩვენ სხვადასხვანაირები ვართ და არ გვინდა ვიყოთ ერთნაირები, ჩვენ პატივს ვცემთ ამ მოცემულობას....

ისტორიის გზაგასაყარზე შევიკრიბეთ უდიდეს გამოწვევათა წინაშე, იქ სადაც ძალიან ბევრჯერ გადაწყვეტილა ამ სახელმწიფოს ბედი. ამ სახელმწიფოს ხალხის ბედი და ასე იქნება ახლა ამ ეტაპზე უკვე თანამედროვე ქართველებისა და საქართველოს მონაწილეობით. ჩვენ, თითეულ ჩვენგანს, გვაქვს ერთი ხმა და ეს ერთი ხმა ბევრ წაგვართევს და ნაგვის ურნაში გადააგდეს, მაგრამ ეს ერთი ხმა კვლავ ლაპარაობს რუსთაველის გამზირზე, ეს ერთი ხმა აპროტესტებს რუსთაველის გამზირზე. იქ სადაც დაიძერწა, იქ სადაც გამოიჭედა საქართველოს სახელმწიფოს დამოუკიდებლობა", - თქვა ნიკა მელიმ.