თუ ჟვანია დაუსჯელი დარჩა, საქართველოში ნორმალური არჩევნები არასდროს ჩატარდება, დავრჩებით ივანიშვილის ბოსტნად

თუ ჟვანია დაუსჯელი დარჩა, საქართველოში ნორმალური არჩევნები არასდროს ჩატარდება, დავრჩებით ივანიშვილის ბოსტნად - ანზორ ბიწაძე

პოლიტიკა - 21:07, 13 Nov, 2020

1838

"ოცნება" შემაჯამებელი ოქმების სასამართლოში გასაჩივრებაზე უარს ამბობს. თამარ ჟვანია სასამართლო ვადებს არ დაელოდა და დღეს, 13 ნოემბერს ცესკოში შემაჯამებელი სხდომა ხმაურისა და დაპირისპირების ფონზე მიმდინარეობს.
"ერთიანი საქართველოს" ერთ-ერთი ლიდერი, ანზორ ბიწაძე აცხადებს, რომ ბიძინა ივანიშვილმა და თამარ ჟვანიამ ქართველ ხალხს მურუსიძის სასამართლოც კი წაართვა, რითაც ქვეყანა კიდევ უფრო მიუახლოვდა იმ მდგომარეობას, რომ ის იქცეს ივანიშვილის "ბოსტნად" , თუმცა, როგორც ანზორ ბიწაძე აღნიშნავს, ამავე დროს საქართველო ისე, როგორც არასდროს ახლოსაა იმ მომენტთან, როცა ის "ივანიშვილს მოიშორებს" და განვითარებას განაგრძობს.
"დღეს მან გადაწყვიტა, რომ მურუსიძის სასამართლოც კი ფორმალურად ზედმეტია ქართველი ხალხისათვის და სასამართლომდეც არ მიგვიშვა, 2 დღე არ დაიცადეს, რომ მერე დაეწყოთ შემაჯამებელ ოქმზე მუშაობა.ძალიან ახლოს ვართ იმასთან, რომ საბოლოოდ გავხდეთ ბიძინა ივანიშვილის ბოსტანი, სადაც თვითონ გადაწყვეტს ვის დაედგომება ამ ქეყანაში და ვის არ დაედგომება, მაგრამ მეორეს მხრივ, კიდევ უფრო ახლოს ვართ იმასთან, რომ საბოლოოდ მოვიშოროთ ეს პარაზიტი ძალა ხელისუფლებიდან, პოლიტიკიდან და დავუბრუნდეთ მეტ-ნაკლებად განვითარების გზას" - განაცხადა ანზორ ბიწაძემ.
ანზორ ბიწაძე აცხადებს, რომ ის, რასაც თამარ ჟვანია აკეთებს, თუ დაუსჯელი დარჩა, არასოდეს საქართველოში ნორმალური არჩევნები აღარ ჩატარდება.
"მიუხედავად იმისა, რომ ძალიან ბევრ ადამიანთან ჰქონდა ჩვენს პარტიას სამკვდრო-სასიცოცხლო ბრძოლა, არასოდეს არავის დაჭერა არ გამხარებია, ისეთი ადამიანების დაჭერა არ გამხარებია უკვირდათ კიდევაც, მაგრამ ის რასაც თამარ ჟვანია აკეთებს თუ დაუსჯელი დარჩა, თუ ჟვანიამ სისხლის სამართლის წესით არ აგო პასუხი, არასოდეს საქართველოში ნორმალური არჩევნები არ იქნება.
პათოლოგიურად, ავადმყოფურად კომფორმისტი და უთავმოყვარეო უნდა იყო ადამიანი, ვინც ითმენს, რომ მსოფლიოს ცივილიზებული ნაწილი იმას განიხილავს მარსზე როგორ გაფრინდეს და ჩვენ აქ თამარ ჟვანია 90-იანების გადმონაშთი ივანიშვილის ბრძანებით არჩევნებს გვახევს", - განაცხადა ანზორ ბიწაძემ.