თბილისი მერი კახა კალაძე პირობას დებს, რომ "მატჩის შემდეგ დაჯარიმებულებს" პრობლემა არ შეექმნებათ.

გუშინ განვითარებულ მოვლენებზე "ქართული ოცნების" ლიდერს განმარტების გაკეთება სოციალურ ქსელში მოუწია. კალაძემ გაიგო., რომ ფეხბურთის გულშემატკივრის დაჯარიმებამ საზოგადოების გულწრფელი აღშფოთება გამოიწვია და საკუთარი ქვეყნისა და ნაკრების გულშემატკივრობა არა ჯარიმას, არამედ დაფასებას იმსახურებს.

"გუშინდელმა დღემ გული დაწყვიტა ჩვენი ნაკრების ყველა გულშემატკივარს, რომლებიც ფეხბურთის და ჩვენი ქვეყნის სიყვარულმა, ჩვენი გამარჯვების ჟინმა გააერთიანა. გუშინ ბევრი მათგანის თვალზე ვიხილეთ ცრემლი და ეს ემოცია ყველაზე დიდ დაფასებას იმსახურებს.

გუშინ, ერთ-ერთი ასეთი გულანთებული ადამიანი საკანონმდებლო რეგულაციების საფუძველზე დაჯარიმდა, რამაც ადამიანების გულწრფელი აღშფოთება გამოიწვია.

ფეხბურთის და საკუთარი ქვეყნის ნაკრების ასეთი გულშემატკივრობა, დაფასებას იმსახურებს და ჩემი აზრით, ჯარიმა ამ ადამიანის ოჯახს ტვირთად არ უნდა დააწვეს. ამიტომ პირობას ვიძლევი, ამ ადამიანს პრობლემა არ შეექმნება და კანონის მოთხოვნების სრული დაცვით შევძლებთ ამ პრობლემის გადაჭრას", - წერს დედაქალაქის მერი ფეისბუქგვერდზე.