"მოლაპარაკებების დაწყება არ ნიშნავს, რომ აქციებს ვწყვეტთ და მოთხოვნები შიცვლება"- ოპოზიცია ფართომასშტაბიანი აქციის წინ კონსულტაციას მართავს

პოლიტიკა - 12:50, 13 Nov, 2020

737

ხვალ, 14 ნოემბერს დედაქალაქის მთავარ გამზირზე ფართომასშტაბიანი აქცია ისევ გაიმართება. ოპოზიცია ამ წუთებში საორგანიზაციო საკითხებს განიხილავს.
ხელისუფლების ოპონენტების თქმით, დიალოგის დაწყება და მოლაპარაკებები კარგია, თუმცა მათი მოთხოვნა - ხელახალი არჩევნების ჩატარება უცვლელია.
"ჩვენ აქტიურად ვემზადებით ხვალინდელი აქციისთვის ეს იქნება მასშტაბური დიდი აქცია რომელშიც ყველა პოლიტიკური პარტია და ლიდერი მიიღებს მონაწილეობას. ჩვენ კიდევ ერთხელ შევახსენებთ ბიძინა ივანიშვილს, რომ არ ვაპირებთ იმ შედეგებთან შეგუებას რაც ცესკომ მას დაუწერა", - თქვა ენმ-ს წევრმა ზაალ უდუმაშვილმა.

ევროპული საქართველოს ლიდერი, გიგი უგულავა კი ამბობს, რომ არანაირი მოთხოვნა და წინაპირობები ჯერჯერობით ვერც იქნება და არც აპირებენ".

"არ მგონია ხელისუფლება იყოს იმ სიტუაციაში, რომ წინაპირობებს კარნახობდეს, მათ მოიპარეს არჩევნები, მორალური უპირატესობა საზოგადოების ჩვენ მხარესაა, თუ იქნება ხელშესახები პროგრესი და მივაღწევთ არჩევენბს, ბუნებრივია ღია კარის მტვრევას არავინ აპირებს", - თქვა "ერვოპული საქართველოს" წევრმა გიგი უგულავამ.