"პატრიოტთა ალიანსის" ლიდერი, ირმა ინაშვილი აშშ-ის ელჩის რეზიდენციაში იმყიოფება. როგორც მან აღნიშნა, საქართველოს დასავლელ პარტნიორებთან ხშირი კომუნიკაცია აქვს. "პატრიოტთა ალიანსის" ლიდერმა ტელეკამერებთან კიდევ ერთხელ გაიმეორა, რომ ქვეყანაში არჩევნები ტოტალურად გაყალბდა.

"ჩვენ მუდმივად გვაქვს შეხვედრა ჩვენს საერთაშორისო პარტნიორებთან, ეს არ არის ახალი, ეს შეხვედრები გაგრძელდა არჩევნების შემდეგ, რაც ჩვენ მკაფიოდ დავადასტურეთ. ჩვენი პარტიის პოზიცია, ამ შემთხვევაში, არის ის, რომ არჩევნები ტოტალურად გაყალბდა ქვეყანაში. დღეს მე აქ მოვედი ამერიკის შეერთებული შტატებისა და ევროკავშირის ელჩების მოწვევით. საუბარი შეეხება საარჩევნო ვითარებას, კრიზისს, რომელიც ქართულმა ოცნებამ შექმნა," - აღნიშნავს ირმა ინაშვილი.