ლევან ბეჟაშვილი: "დიალოგი უნდა გაგრძელდეს პოლიტიკურ სუბიექტებს შორის, იმაზე, თუ როგორ დაიბრუნოს ხალხმა ხელისუფლება"

პოლიტიკა - 13:06, 12 Nov, 2020

839

"დიალოგი უნდა გაგრძელდეს პოლიტიკურ სუბიექტებს შორის, იმაზე, თუ როგორ დაიბრუნოს ხალხმა ხელისუფლება" - ასე აფასებს ერთიანი ნაციონალური მოძრაობა დიალოგის დაწყების შესაძლებლობას.

როგორც ლევან ბეჟაშვილი აღნიშნავს, 31 ოქტომბერს მოქალაქეების გზავნილი იყო, რომ მათ მხარი დაუჭირეს ოპოზიციის კოალიციურ მმართველობას და არა არჩევნების გაყალბებას და ხელისუფლების მიტაცებას.

"არჩევნების ტოტალური გაყალბების შემდეგ დიდაქტიკური ტონით საუბარი არ არის მიზანშეწონილი. 31 ოქტომბერს მოქალაქეების გზავნილი იყო, რომ მათ მხარი დაუჭირეს ოპოზიციის კოალიციურ მმართველობას და არა არჩევნების გაყალბებას და ხელისუფლების მიტაცებას. ამიტომ, რა თქმა უნდა დიალოგი უნდა გაგრძელდეს პოლიტიკურ სუბიექტებს შორის, იმაზე, თუ როგორ დაიბრუნოს ხალხმა ხელისუფლება და ის, რაც „ქართულ ოცნებას“ მიტაცებული აქვს არჩევნების გაყალბებით.
პირობები პოლიტიკური დიალოგის დასაწყებად ჩვენს აქციებზე იყო გაჟღერებული, ეს არის ცენრალური საარჩევნო კომისიის თავჯდომარის გადაყენება და ახალ არჩევნებზე საუბარი, რადგან რაც „ქართულმა ოცნებამ“ მოიპარა 31 ოქტომბერს, ხალხმა კანონიერად, კონსტიტუციის შესაბამისად უნდა დაიბრუნოს." - აცხადებს ბეჟაშვილი.