გადატრიალება ხელისუფლებამ მოახდინა, როცა ხალხს ხმები მოპარა, მადლობა თქვან, არ შევუვარდით და კინწისკვრით არ გამოვყარეთ ყველა იქედან, ძალიან პასუხისმგებლობის მქონენი ვართ

გადატრიალება ხელისუფლებამ მოახდინა, როცა ხალხს ხმები მოპარა, მადლობა თქვან, არ შევუვარდით და კინწისკვრით არ გამოვყარეთ ყველა იქედან, ძალიან პასუხისმგებლობის მქონენი ვართ - ნინო ბურჯანაძე

პოლიტიკა - 23:10, 11 Nov, 2020

1177

"ერთიანი საქართველოს" ლიდერმა, ნინო ბურჯანაძემ “პალიტრანიუსის“ გადაცემა “360 გრადუსში“ განაცხადა, რომ ოპოზიცია ხელისუფლებისგან განსხვავებით გრძნობს პასუხისმგებლობას და "ოცნებას" მშვიდობიანი აქციებით უპირისპირდება. მიუხედავად იმისა, რომ ივანიშვილი პოლიტიკური კლასის განადგურებას ცდილობს.
“გადატრიალება ხელისუფლებამ მოახდინა, როცა ხალხს არჩევნებში ხმები მოპარა. 9 ათასი ხმა მარტო აჭარაში მაქვს მოპარული - ეს უნამუსო ქურდები და თაღლითები! რატომ უნდა ვაპატიო ბიძინა ივანიშვილს, ირაკლი კობახიძეს და ვიღაცებს ის, რომ 9 ათასს ადამიანს, რომელიც მძიმე ეპიდემიოლოგიურ ვითარებაში შეწუხდა, მოვიდა არჩევნებზე და შედეგების გამოცხადებას ელოდა, უთხრეს: - თქვენ საერთოდ ვინ ხართ! გადატრიალება ხელისუფლებამ მოახდინა. მადლობა თქვან, რომ ძალიან პასუხისმგებლობის მქონენი ვართ ჩვენ, ოპოზიციის წარმომადგენლები და ძალიან პასუხისმგებლობის მქონეა ის ხალხი, რომ არ შევუვარდით და კინწის კვრით არ გამოვყარეთ, დიდი მადლობა თქვან!“, - განაცხადა ნინო ბურჯანაძემ.