ვაკისა და საბურთალოს საოლქო საარჩევნო კომისიებში შემაჯამებელი სხდომა დასრულდა. შემაჯამებელ ოქმებს ხელი კომისიების ათმა წევრმა მოაწერა. შედეგების მიხედვით, როგორც საბურთალოს, ასევე ვაკის რაიონში მეორე ტური გაიმართება, ვაკის რაიონში არჩევნების მეორე ტურში მონაწილეობას მიიღებენ გაერთიანებული ოპოზიციის მაჟორიტარი დეპუტატობის კანდიდატი, ელენე ხოშტარია და “ქართული ოცნების” მაჟორიტარი დეპუტატობის კანდიდატი, ნოდარ ტურძელაძე.

რაც შეეხება საბურთალოს რაიონს, მეორე ტურში იქნებიან პარტია “მოქალაქეების” კანდიდატი ალეკო ელისაშვილი და “ქართული ოცნების” საბურთალოს რაიონის მაჟორიტარიბის კანდიდატი დავით სერგეენკო.

შეგახსენებთ, რომ შემაჯამებელი კომისიის სხდომა აქციის ფონზე მიმდინარეობდა. ოპოზიციური პარტიების წარმომადგენლები არჩევნების შედეგებს აპროტესტებდნენ და ცესკო-ს თავმჯდომარის, თამარ ჟვანიას გადადგომას ითხოვდნენ.

აქვე შეგახსენებთ, რომ სხდომა პროტესტის ნიშნად დატოვეს “ნაციონალური მოძრაობისა” და “ევროპული საქართველოს” წარმომადგენლებმა.