გლდანის მე-10 საოლქო საარჩევნო კომისიის შემაჯამებელი სხდომა, კომისიის წევრებმა "ნაციონალური მოძრაობიდან" და "ევროპული საქართველოდან" პროტესტის ნიშნად დატოვეს.

როგორც „ევროპული საქართველოს" წარმომადგენელმა მაია ხუნდაძემ განაცხადა, მან შემაჯამებელ ოქმს ხელი არ მოაწერა, რადგან ეს არ იყო არჩევნები, ეს იყო ფალსიფიკაცია და მასში მონაწილეობას ვერ მიიღებდა.

ხუნდაძემ, ასევე აღნიშნა, რომ პროპორციული არჩევნების 42 ოქმი, ხოლო მაჟორიტარული მონაცემების 61 ოქმი შესწორებულია.

„103 ოქმია ჯამში შესწორებული, რაც მთლიანი მონაცემების 37.77%-ია. დაკარგულია 1430 ბიულეტენი"- მაია ხუნდაძე.

როგორც „ნაციონალური მოძრაობის" წარმომადგენელმა ივანე პეტრიაშვილმა სხდომის დატოვების შემდეგ აღნიშნა, კენჭისყრიდან მე-11 დღეს კომისიამ კიდევ ვერ დააზუსტა ამომრჩევლების ზუსტი მონაცემები.