ენმ-ს წევრი, ხატია დეკანოიძე ამბობს, რომ არსებული საარჩევნო ადმინისტრაციის პირობებში, ხმების ხელახალი გადათვლით ობიექტური სურათი არ გამოჩნდება. ფორმულას ეთერში მან განაცხადა, რომ ოქმებში არსებული უზუსტობები ვეღარ გასწორდება.

"გადათვლის შემთხვევაში ძალიან ძნელი დასათვლელი იქნება ის პროცენტი, რომ ისანში 81-ვე უბანზე საერთოდ გაქრა ბიულეტენები, ანუ რამდენიმე ბიულეტენი აკლდა, ეს გულისხმობს იმას, რომ სწორედ ე.წ. კარუსელი დაატრიალეს. გადაყრილი იყო ბიულეტენები.

ახლა ჩვენ ხომ არ ვსაუბრობთ თავისუფალ საუბნო საარჩევნო კომისიაზე, არ მაქვს ილუზია, რომ ეს გადათვლა იქნება პირველადი და ობიექტური სურათი.

ჩვენ ხო საქმე არ გვაქვს გამჭვირვალე ცენტრალურ საარჩევნო ადმინისტრაციასთან, საქმე გვაქვს იმ ადამიანებთან, ვინც უშუალოდ ჩართულები იყვნენ ამ დანაშაულებრივ სქემაში. ამიტომ არ მგონია, რაიმე სახით გასწორდეს უზუსტობები. ხელოვნურად ფორმულას ვერ გამოვიყვანთ, როგორ და სად უნდა იყოს ეს ხმები გადანაწილებული", - განაცხადა ხატია დეკანოიძემ.