მოქალაქეთა პროტესტი უნდა გაგრძელდეს, მას სასწრაფოდ უნდა დაემატოს პოლიტიკური კომპონენტი... - გრიგოლ ვაშაძე დილით გაკეთებულ განცხადებას განმარტავს

პოლიტიკა - 15:04, 10 Nov, 2020

2028

ერთიანი ნაციონალური მოძრაობის თავმჯდომარე გრიგოლ ვაშაძე დილით გაკეთებულ განცხადებასთან დაკავშირებით განმარტებას ავრცელებს.

"დამატებით განვმარტავ:

1. მოქალაქეთა პროტესტი უნდა გაგრძელდეს;

2. ამ პროტესტს სასწრაფოდ უნდა დაემატოს პოლიტიკური კომპონენტი - სამართლიანი არჩევნების პრინციპების განხორციელების თაობაზე მოლაპარაკებების სახით სტრატეგიული მოკავშირეების მედიაციით;

3. სანამ/თუ მოლაპარაკებები წარმატებით არ დასრულდება არც მეორე ტურში მონაწილეობას არ ვღებულობთ და არც პარლამენტში არ შევდივართ;

4. ერთხელ და სამუდამოდ ყველა უნდა დავიძაბოთ, რომ მომავალში ქუჩის პროტესტმა ნორმალური პროცესი არ ჩაანაცვლოს არჩევნების გაყალბების გამო" - წერია განცხადებაში.

შეგახსენებთ, რომ ვაშაძემ დილით გაავრცელა განცხადება, სადაც პოლიტიკურ პარტიებს მიმართავდა და მიმდინარე კრიზისის მოლაპარაკების მაგიდასთან განხილვისკენ მოუწოდებდა. ვაშაძე თავის მიმართვაში საჩივრების განხილვის დასრულებას აუცილებლად მიიჩნევს. ენმ-ს თავმჯდომარე ცესკო-ს ხელმძღვანელის გადადგომის აუცილებლობაზეც საუბრობს.