კომენდანტის საათის დაწყების შემდეგ აქციის მონაწილეებს მოძრაობა "სირცხვილიას" ლიდერმა, შოთა დიღმელაშვილმა მიმართა და განაცხადა, რომ კომენდანტის სთ-ის გამოცხადება მაშინ, როცა ქვეყანაში საგანგებო მდგომარეობა არ გამოცხადებულა არაკონსტიტუციურია. ამიტომ ყველას აქვს უფლება იყოს რუსთაველზე 22 სთ-ის შემდეგაც.

"თქვენ გაქვთ აბსოლუტურად კანონიერი უფლება იყოთ აქ, არავინ არ მოგატყუოთ, იმიტომ რომ გამოხატვის თავისუფლებას იცავს კონსტიტუცია. პრეზიდენტმა უნდა გამოსცეს დეკრეტი და შემოიღოს საგანგებო მდგომარეობა, იმისათვის, რომ მათ თავისუფალი შეკრება აგიკრძალონ. ამას ვერ აკეთებენ არცევნების გამო, შესაბამისად, ბრძანება, რომ თქვენ ღამის 10-დან დილის 5-მდე შეგეზღუდოთ გამოხატვის თავისუფლება არის უკანონო" - მიმართა შოთა დიღმელაშვილმა დემონსტრანტებს.