პარტია “ალეკო ელისაშვილი - მოქალაქეების” ლიდერი ლევან იოსელიანი ეხმაურება 8 ნოემბერს ცესკოს შენობასთან გამართულ საპროტესტო აქციას. იოსელიანი სოლციალურ ქსელში წერს, რომ გუშინ რაც ალეკო ელისაშვილმა და ნიკა მელიამ გააკეთეს ეს იყო მაღალი პასუხისმგებლობის მქონე ლიდერების საქციელი.

მისივე განცხადებით, ნიკა მელიამ და ალეკო ელისაშვილმა პოლიტიკაზე წინ ადამინი დააყენეს.

“ მათ, სიბრაზის პიკში მყოფ საკუთარ მომხრეებს მოუწოდეს, რომ დაშლილიყვნენ, რადგან სიცივის და სისველის გამო მათი ჯანმთელობა საფრთხის ქვეშ იდგა. აბა გაიხსენეთ ბოლოს ვინ შეძლო იგივეს გაკეთება უახლეს ისტორიაში, ყოველთვის ხალხის რისხვას პოლიტიკოსები საკუთარ ინტერესებს არგებდნენ, გუშინ პირველად ამ ორმა კაცმა პოლიტიკაზე წინ ადამიანი დააყენა”, - წერს იოსელიანი.