დაავადებათა კონტროლის ცენტრის ხელმძღვანელის მოადგილე პაატა იმნაძე ცესკოსთან ოპოზიციის აქციის წყლის ჭავლით დაშლას ეხმაურება და ამბობს, რომ “კანონი სეზონურ თავისებურებებს არ ითვალისწინებს”.

კითხვაზე, უნდა განიმარტოს თუ არა ექიმების მხრიდან რამდენად საფრთხის შემცველია წყლის ჭავლის გამოყენება, როცა კორონავირუსის პერიოდია? იმნაძე პასუხობს:

“ჩვენ ყველა პასუხისმგებლები ვართ კანონის წინაშე. სამწუხაროდ, კანონი სეზონურ თავისებურებებს არ ითვალისწინებს”, - თქვა მედიკოსმა.

დაავადებათა კონტროლის ცენტრის ხელმძღვანელი ამირან გამყრელიძე კი ამბობს, რომ ექიმები აპოლიტიკურები არიან და პოლიტიკაში არ უნდა გარიონ.