,,ეხლა კობახიძე დაემუქრა ნიკა მელიას. კატეგორიულად გაფრთხილებთ, თითი არ დააკაროთ მაგ კაცს და არ გაბედოთ ისევ იმ არანორმალური კობახიძისი ჭკუაზე იაროთ." - ასე ეხმაურება ,,ერთიანი საქართველოს" ერთერთი ლიდერი ანზორ ბიწაძე ირაკლი კობახიძის იმ განცხადებას, სადაც ნიკა მელიას კრიმინალი უწოდა და სამართალდამცავებს რეაგირებისკენ მოუწოდა.

,,სადამდე მიგიყვანათ კობახიძის ჭკუაზე სიარულმა ხომ ნახეთ ? არავის არ ჰქონია ცესკოში შეჭრის მცდელობა, მდგარიყო პოლიცია პერიმეტრის შიგნით და ხალხს გაეპროტესტებინა პერიმეტრს გარეთ ის ვაქხანალია რაც 31 ოქტომბერს მოაწყვეთ. რისი გულისთვის გვასხით პანდემიის დროს ცივი წყალი ამ სიცივეში “კოვიდეფექტურო მენეჯერებო”?"- აცხადებს ანზორ ბიწაძე.

შეგახსენებთ, რომ ცენტრალურ საარჩევნო კომისიასთან შეკრებილი მშვიდობიანი მომიტინგეები პოლიციამ წყლის ჭავლით დაარბია. ხელისუფლებამ მოქალაქეების წინააღმდეგ ძალის გადამეტებას ყოველგვარი გაფრთხილების გარეშე მიმართა. მომიტინგეების მხრიდან ადგილი არ ჰქონია არც შენობაში შეჭრის მცდელობას და არც რაიმე სახის ძალადობრივ აქტს. დაშავდნენ რიგითი მოქალაქეები, მათ შორის მედიის წარმომადგენლები..