აპიდემიური მდგომარეობიდან გამომდინარე, წყლის ჭავლის გამოყენება აქციის მონაწილეების მიმართ გაუმართლებელია

აპიდემიური მდგომარეობიდან გამომდინარე, წყლის ჭავლის გამოყენება აქციის მონაწილეების მიმართ გაუმართლებელია - საია

პოლიტიკა - 00:22, 09 Nov, 2020

601

საქართველოს ახალგაზრდა იურისტთა ასოციაცია სპეციალურ განცხადებას ავრცელებს და ხელისუფლების მიერ აქციის მონაწილეების მიმართ ძალის გადამეტებას გაუმართლებელ ნაბიჯად აფასებს:

"საია შეშფოთებით აკვირდება მიმდინარე პოლიტიკურ მოვლენებს. იმის ნაცვლად, რომ ხელისუფლებამ ადეკვატურად უპასუხოს საზოგადოებაში არსებულ კითხვებს და შექმნას პოლიტიკური დიალოგის მექანიზმი, საქართველოს მოქალაქეებს უწევთ პოლიციის პირისპირ დგომა, სიტუაცია კი უფრო და უფრო რთულად სამართავი ხდება.

საია განმარტავს რომ:

სპეციალური საშუალებების გამოყენებას წინ უნდა უსწრებდეს შესაბამისი გაფრთხილება, გარდა იმ შემთხვევისა, როცა დაყოვნებამ შეიძლება გამოიწვიოს მძიმე შედეგი, ან შექმნილ სიტუაციაში ასეთი გაფრთხილება გაუმართლებელია ან შეუძლებელია. პოლიცია უნდა შეეცადოს, მიყენებული ზიანი იყოსმინიმალური და თანაზომიერი;

გართულებული ეპიდემიოლოგიური მდგომარეობისა და ჯანმრთელობის დაცვის სისტემაში შექმნილიკრიზისის გათვალისწინებით, წყლის ჭავლის გამოყენება აქციის მონაწილეების მიმართ გაუმართლებელია.

საია მიიჩნევს, რომ მოქალაქეებს უნდა მიეცეთ მშვიდობიანი პროტესტის გამოხატვის შესაძლებლობა. ღრმად გვწამს, რომ პოლიტიკური კრიზისები ძალის გამოყენებით არ უნდა წყდებოდეს, არამედ კონსენსუსით და შეთანხმებით. კრიზისების მართვა, რთულ ვითარებაში გამოსავლის ძიება და საზოგადოებაზე ზრუნვა პოლიტიკოსების მთავარი დანიშნულებაა, ხელისუფლებას კი ამ პროცესში განსაკუთრებული პასუხისმგებლობა ეკისრება" - ნათქვამია განცხადებაში.

შეგახსენებთ, რომ სპეცრაზმმა ცესკო-სთან შეკრებილი მომიტინგეების წინააღმდეგ წყლის ჭავლი გამოიყენა, სადაც უამრავი ადამიანი დაშავდა.