ცესკო-სთან, მომიტინგეთა ის ნაწილიც მივიდა, რომლებიც რუსთაველის გამზირიდან მიტინგის შემდეგ დაიძრნენ. ადგილზე მობილიზებულები არიან სამართალდამცავები. ასევე, სახანძრო ტექნიკა, სპეციალური ტექნიკა, რომელითაც მომიტინგეთა დაშლა წყლის ჭავლით უკვე მოხდა. ცესკო-ს შენობის ტერიტორია შემოსაზღვრულია სპეციალური რკინის ღობითა და ბარიკადებით, რომლის მიღმაც დგანან სამართალდამცავები. მოქალაქეებმა ღობის ნაწილი უკვე გაარღვია, ნაწილის გარღვევას ცდილობენ, თუმცა ამის საშუალებას მათ პოლიცია არ აძლევს.

ამავდროულად, ისმის სპეციალური ხმოვანი სიგნალი, რომლითაც მოქალაქეებს მოუწოდებენ, რომ დაიშალონ, წინააღმდეგ შემთხვევაში მათ მიმართ გამოყენებული იქნება კანონით გათვალისწინებული საშუალებები.

მომიტინგეები სკანდირებენ: „მონებო".