წყლის ჭავლის გამოყენების მიუხედავად, აქციის მონაწილეები ცენტრალურ საარჩევნო კომისიასთან რჩებიან.

გავრცელებული ინფორმაციით, მომიტინგეებმა წყლის ჭავლის გამოყენების შემდეგ რამდენიმე წუთით ცესკოს ტერიტორია დატოვეს, თუმცა მოგვიანებით კვლავ უკან დაბრუნდნენ.

ამ წუთებში აქციის მონაწილეების ნაწილი ღობეზე გადაძრომას და ცესკოს შენობასთან მიახლოებას ცდილობს, რის საშუალებასაც მათ პოლიცია არ აძლევს.

ასევე, ცოტა ხნის წინ, წყლის ჭავლის მანქანის წინა მხარეს სპეცრაზმი ჩააყენეს, ვინაიდან აქციის მონაწილეები წყლის ჭავლის მანქანას ქვებს ესროდნენ.

შეგახსენებთ, რომ ცოტა ხნის წინ აქციის მონაწილეები პოლიციამ წყლის ჭავლის გამოყენებით დაშალა. არსებული ინფორმაციით, დაშავდა რამდენიმე ადამიანი.