ოპოზიცია მოპარული არჩევნების დასაბრუნებლად ბოლომდე იბრძოლებს - ეს პირობა დადო ერთიანი საქართველოს ლიდერმა ნინო ბურჯანაძემ რუსთაველის გამზირზე, პარლამენტთან შეკრებილ მოქალაქეებსწინაშე.

"ჩვენ ვიქნებით ერთიანი. არავინ დაუშვებს იმ შეცდომას, რაც 2003 წელს ზოგიერთმა პოლიტიკურმა პარტიამ დაუშვა, როდესაც ხალხი აქ იდგა, ხოლო თვითონ პარლამენტში შევიდნენ შევარდნაძისთვის პარლამენტის 'გასაპრავებლად'. ოღონდ ის პოლიტიკური პარტიები გაქრა პოლიტიკური რუკიდან. ყველა ოპოზიციური პარტია თქვენთან ერთად ვიბრძოლებთ იმისათვის, რომ დავიბრუნოთ მოპარული ხმა, არჩევნები, რომელიც გადაწყვეტს, ვინ უნდა იყოს ქვეყნის მმართველი.

ჩვენ მივაღწევთ ცესკოს თავმჯდომარის გადაყენებას და იმასაც, რომ ახალი არჩევნები დაინიშნოს. მე ამაში დარწმუნებული ვარ, ამის ძალას და რწმენას თქვენი აქ ყოფნა მაძლევს. ყველა ხელისუფლებას უდნა ესმოდეს, როდესაც ხალხის აბუჩად აგდებას იწყებს, ხალხს არაფრად აგდებს, ხალხის ღირსებას ფეხქვეშ თელავს და ხალხს დასცინის, საკუთარ პოლიტიკურ სამარეს ითხრის. ეს ქართულმა ოცნებამ გააკეთა. დიახ, ჩვენ მივაღწევთ იმას, რომ ქართულ ოცნებას გავისტუმრებთ ხელისუფლებიდან, ჩატარდება არჩევნები და მთელი მსოფლიო დაინახავს, რომ ქართული სახელმწიფო მართლა დემოკრატიულია", - მიმართა ბურჯანაძემ აქციის მონაწილეებს.