გაბრაზებული ხალხის აქცია თბილისში - რუსთაველის გამზირზე შეკრებილებს "ევროპული საქართველოს" ერთ-ერთმა ლიდერმა, ელენე ხოშტარიამ მიმართა.

მისი თქმით, 30 წლის წინ მოპოვებული თავისუფლება დასაცავია:

"ჩვენ ვდგავართ იქ, სადაც 30 წლის წინ შეუპოვარი ბრძოლით, ერთიანობით, პრინციპულობით, ჩვენმა თანამოქალაქეებმა გამოძერწეს და გადმოგვცეს თავისუფლება. ამ თავისუფლების მთავარი აზრი არის ის, რომ ძალაუფლებას განსაზღვრავს მოქალაქის არჩევანი, ხალხის ნება და არავინ სხვა. დღეს სწორედ ეს 30 წლიანი მონაპოვარი, რომლის წინაშეც ყველანი პასუხისმგებლები ვართ, უნდა დავიცვათ, რადგან ის საფრთხეშია. აქ არ ვდგავართ არც მანდატებისთვის, არც საპარლამენტო სკამებისთვის - ჩვენ აქ ვდგავართ თავისუფალი არჩევანისთვის. გუშინ გიორგი რურუას, ნატალა ილიჩოვას, ივერი მელაშვილს სხვა პოლიტპატიმრებიც დაამატეს - ისინი ივანიშვილის მძევლები არიან და სწორედ ამიტომ ჩვენ მშვიდად ვერ გავაგრძელებთ ცხოვრებას", - მიმართა რუსთაველზე შეკრებილ ათასობით მოქალაქეს ხოშტარიამ.

მან იმ ადამიანებსაც მიმართა, რომლებიც აქციაზე ვერ გამოვიდნან:

'მე მინდა მივმართო იმ ადამიანებს, რომლებიც დღეს ვერ მოვიდნენ, იმ ადამიანებს, რომლებსაც დღეს შეიძლება დღეს ბოლომდე ჩვენი არ ესმის: ჩვენ გასაყოფი არავის არაფერი არ გვაქვს, ჩვენ ხალხს პოლიტიკური ხაზით არ ვყოფთ, ჩვენ ვართ ყველა ერთიანი იმაში, რომ უნდა გვქოდნეს თავისუფალი საქართველო"- განაცხადა ხოშტარიამ.