სამოქალაქო პლატფორმა 2020-ის წევრი გიორგი მუმლაძე, რომელიც 2020 წლის 31 ოქტომბრის საპარლამენტო არჩევნებს მარნეულში აკვირდებოდა, ამბობს, რომ კომენდანტის საათი ხელისუფლებამ პროტესტის ჩასახშობად შემოიღო და ის მას არ დაემორჩილება.

მუმლაძე არჩევნების გაყალბების გამო პროტესტის გაგრძელებაზე საუბრობს და ახადებს, რომ ის მის ხმას ქუჩაში დაიცავს, რადგან სხვანაირად შეუძლებელია.

"ეს არის მოპარული არჩევნების შენარჩუნებისთვის გადადგმული ნაბიჯი. ამას არაფერი აქვს საერთო პანდემიასთან ბრძოლასთან

ეს ემსახურება იმას, რომ ხალხმა არ გააპროტესტოს. ამათ ეშინიათ პროტესტის. მე პირადად არ ვემორჩილები ამ შეზღუდვებს. გავაგრძელებ პროტესტს ქუჩაში, სადაც საჭიროა, დავიცავ ჩემ ხმებს იმიტომ, რომ სხვანაირად შეუძლებელია ამ მანქანას ებრძოლო", - ამბობს მუმლაძე "მთავარი არხის" ეთერში.

ცნობისთვის, 8 ნოემბერს 15:00 სთ-ზე ოპოზიცია მასშტაბურ აქციას გამართავს და გაყალბებულ არჩევნებს გააპროტესტებს.

მთავრობამ 9 ნოემბრიდან, 22:00-დან 05:00-მდე კომენდანტის საათი გამოაცხადა.