ჯანდაცვის მინისტრი, ეკატერინე ტიკარაძე აცხადებს, რომ პანდემიის პერიოდში საპროტესტო აქციები ძალიან დიდი რისკის მატარებელია.

ტიკარაძემ პოლიტიკურ პარტიებს მოუწოდა არ შეუწყონ ხელი ვირუსის გავრცელებას.

"მინდა ვთხოვო ჩვენს მოსახლეობას და ყველა იმ პოლიტიკურ პარტიას, რომელიც დღეს არის ჩართული პოლიტიკურ პოროცესში, ნუ შეუწყობენ ხელს იმ ვირუსის გავრცელებას, რომელსაც დღეს ებრძვის მთელი მსოფლიო. სოციალური დისტანცირება ეს რჩება კვლავ ყველაზე ეფექტურ იარაღად ვირუსთან ბრძოლაში და შესაბამისად ყველა ამ მოწოდების დარღვევა არის ძალიან დიდი რისკის მატარებელი ჩვენი მოქალაქეებისთვის", - ამბობს ტიკარაძე.