ეკატერინე ტიკარაძის თქმით, მთავრობა მზადაა ოპოზიციურ პარტიებთან მოლაპარაკებისთვის. ტიკარაძის თქმით, პოლიტიკურმა პარტიებმა ბოროტად არ უნდა გამოიყენონ საკუთარი პოლიტიკური ინტერესები, რაც ქვეყანაში ვირუსის გავრცელებას გამოიწვევს.

მინისტრი ამბობს, რომ ოპოზიციური პარტიების მიერ დაგეგმილი თუ ჩატარებული აქციები ვირუსის გავრცელებას უწყობს ხელს, რადგან ვერ ხერხდება სოციალური დისტანციის დაცვა.

“ჩვენ ოპოზიციასთან მიმართებაში მზად ვართ დავსხდესთ მოლაპარაკების მაგიდასთან და ეს არის მნიშვნელოვანი და ნებისმიერი შეთანხმება შეიძლება მოხდეს მსგავსი პროტესტის გამოხატვის გარეშე, ბევრად უფრო ცივილურად და ეფექტურად და არ გამოვიყენოთ ბოროტად ჩვენი ემოციები და პირადი ინტერესები და ამით არ გავავრცელოთ ინფექცია ქვეყანაში”- განაცხადა მინისტრმა.

მისი განცხადებით, მოლაპარაკებები არის პოლიტიკური პროცესი და ეს გაიმართება იმ შემთხვევაში, თუ ოპოზიცია არ იქნება დესტრუქციული.