საქართველოს მესამე პრეზიდენტი მიხეილ სააკაშვილი ვიდეომიმართვას ავრცელებს. იგი აცხადებს, რომ საქართველოში შექმნილ სიტუაციასთან დაკავშირებით, ხალხი არ დაიხევს უკან და მუდმივად იბრძოლებს, მანამ, სანამ ივანიშვილის რეჟიმი არ აღიარებს, რომ მათ გააყალბეს და მოიპარეს არჩევნები.

"ამ პერიოდში კოვიდის ეპიდემია, პრაქტიკულად გახდა უკონტროლო, იმის გამო, რომ მთელი რიგი ქმედებები ხელოვნურად არ იქნა განხორციელებული ბიძინა ივანიშვილის მთავრობის მიერ, რა თქმა უნდა, გამოყენებულია ახლა ბიძინა ივანიშვილის მიერ, რათა ქვეყანა ჩაკეტოს, რათა ხალხში შექმნას პანიკა, რათა ხალხმა არ დაიცვას თავისი არჩევნების შედეგები, მე მინდა ვუთხრა ყველას, რა თქმა უნდა, კოვიდი არის საშიში და მაქსიმალურად გვჭირდება პირადი ჰიგიენის დაცვა, ნიღბების გამოყენება, ხელების დაბანა, მაგრამ ამავე დროს, ამან არ უნდა შეგვაჩეროს საქართველოსთვის ბრძოლაში, საქართველოს გადარჩენაში და თითოეული ჩვენგანის ოჯახის შვილების გადარჩენის საქმეში. კოვიდზე ჩვენ გვაქვს ზუსტი გეგმა, როგორც კი ივანიშვილი გაიწევა გვერდზე, შევქმნით დროებით კოვიდ ადმინისტრაციას და ძალიან სწრაფად დავასტაბილურებთ სიტუაციას", - ამბობს მიხეილ სააკაშვილი.

საქართველოს მესამე პრეზიდენტმა ახალი ინიციატივა გამოთქვა, გამყალბებელთა ქვედა რგოლს, ანუ საარჩევნო ადმინისტრაციის წევრთა ნაწილს მიმართა და ინიაციატივით გამოვიდა, რომ თუ ისინი ხალხის მხარეს ახლა დადგებიან, ხელშეუხებლობის გარანტიები მიიღონ.

"მინდა მივმართო საარჩევნო ადმინისტრაციაში გაყალბების უშუალო შემსრულებლებს, თქვენ რაც გააკეთეთ ეს არის მძიმე სისხლის სამართლის დანაშაული, მაგრამ გაძლევთ გარანტიას, დარწმუნებული ვარ ამას ყველა დაეთანხმება, ყველა ვინც ახლა გამოვა და მოყვება იმას, როგორ ხდებოდა გაყალბება, მოგეცემათ არა მხოლოდ სრული ხელშეუხებლობის გარანტიები,

არამედ ყველანაირად წახალისდებით და იქნებით მხარდაჭერილი საქართველოს გარდამავალი ხელისუფლების მიერ, ამაში ვარ დარწმუნებული და მინდა ამ საათებში, ამ წუთებში, უახლოეს ერთ-ორ დღეში, ყველანი დაფიქრდეთ, რაზე მოგაწერინეს ხელი, ნებსით თუ უნებლიეთ, რამხელა დანაშაულში მიგაღებინეს მონაწილეობა და რამდენად მნიშნველოვანია ქართველი ხალხისთვის ახლა სიმართლის თქმა, ბოლოს და ბოლოს თქვენ ყველანი ქართველები ხართ და ნამდვილად არ გვსურს არავიზე რევანში და არავის მიმართ, მე ნამდვილად არ მსურს რომ რაიმე რეპრესიები განხორციელდეს, თუნდაც ეს იყოს კანონით დამსახურებული. მაგრამ ახლა, სანამ გვიან არ არის, დადექით ხალხის მხარეს, ეს არის ისტორიისთვის, თითოეული თქვენგანისთვის, თქვენი მომავლისთვის, თქვენი უბრალოდ ადამიანობისთვის ძალიან მნიშნველოვანი რამ და რა თქმა უნდა, მნიშნველოვანია საქართველოსთვის", - თქვა ვიდეომიმართვაში საქართველოს მესამე პრეზიდენტმა.