ფართომასშტაბიანი აქციების პარალელურად მთავრობა ღამით გადაადგილების შეზღუდვის დაწესებაზე მსჯელობს

პოლიტიკა - 14:40, 05 Nov, 2020

1293

კორონავირუსის პანდემია ხელისუფლებისთვის ყველაზე ხელსაყრელი კრიზისული მდგომარეობა აღმოჩნდა, რადგან არჩევნების შემდეგ წამოსული საპროტესტო ტალღის გამო მთავრობა პერიოდულად ახალ შეზღუდვებს აწესებს.

საზოგადოებაში გაჩნდა ეჭვი, რომ ვირუსის ფართომასშტაბიანი გავრცელება არ არის ერთადერთი მიზეზი, რის გამოც ქუჩაში გამოსულ ადამიანებს ახალ-ახალ შეზღუდვებს აცნობენ.

მორიგი შეზღუდვები კი ვიცე-პრემიერიმა მაია ცქიტიშვილმა დღეს დააანონსა და განაცხადა, რომ, შესაძლოა, ტრანსპორტით სარგებლობასა და ღამით გადაადგილებაზეც დაწესდეს შეზღუდვა:

"საბჭო, რა თქმა უნდა, მსჯელობს იმაზე, თუ რა დამატებითი ღონისძიებები და რა დამატებითი წერტილოვანი შეზღუდვების დაწესება არის შესაძლებელი, რათა გავუმკლავდეთ ვირუსის გავრცელებას, შევანელოთ ვირუსის გავრცელება. ეს შეიძლება იყოს სხვადასხვა ტიპის ღონისძიება, როგორიც არის მაგალითად, საღამოს საათებში, ღამის საათებში გადაადგილების შეზღუდვა. შეიძლება იყოს უქმე დღეებში, ან კვირის რომელიმე ერთ დღეს, ან სხვადასხვა დასახლებებში, ისევე როგორც ტრანსპორტის შეჩერება, სხვადასხვა ტიპის სავაჭრო ცენტრის ან სხვადასხვა სახის დიდი გადაადგილების, ბაზრობების ან ბაზრების მუშაობის შეჩერება.

ეს არის ყველა ისეთი ღონისძიება, რომელიც არის წერტილოვანი ხასიათის, რომელიც იქნება გამოყენებული იქ და იმ დროს, რომლის აუცილებლობაც იქნება ეპიდემიოლოგიური ვითარებიდან გამომდინარე. ყველა ამ ღონისძიების გამოყენება არის ის პრაქტიკა და იმ ცოდნაზე დაფუძნებული, რომელსაც ვხედავთ მეზობელ და მსოფლიოს სხვადასხვა ქვეყანაში", - განაცხადა მაია ცქიტიშვილმა.

აქვე, უნდა აღინიშნოს, რომ კვირას, 3 საათზე პარლამენტის წინ ოპოზიციური გაერთიანების აქცია იმართება, სადაც ხალხი გაყალბებულ არჩევნებსა და მიტაცებულ ხმებს გაპროტესტებს.