"ცესკომ გადაწყვიტა არ განიხილოს და თავი არ აიტკიოს ჩვენს მიერ შეტანილი საჩივრებით, საჩივრების განუხილველად დატოვება არის სრულიად უკანონო გადაწყვეტილება"

"ცესკომ გადაწყვიტა არ განიხილოს და თავი არ აიტკიოს ჩვენს მიერ შეტანილი საჩივრებით, საჩივრების განუხილველად დატოვება არის სრულიად უკანონო გადაწყვეტილება" - კორძაია

პოლიტიკა - 19:36, 04 Nov, 2020

894

საარჩევნო ბლოკი ერთიანი ნაციონალური მოძრაობა - გაერთიანებული ოპოზიცია ძალა ერთობაშიას წარმომადგენელ თამარ კორძაიას განცხადებით, საოლქო საარჩევნო კომისიები ოპოზიციური პარტიის წარმომადგენლებს ოქმების გასაჩივრების საშუალებას არ აძლევენ. " დღეს, პოლიტიკური პარტიებისა და არასამთავრობო ორგანოზაციების მიერ საოლქო საარჩევნო კომისიებში შეტანილი საჩივრების განხილვა დაიწყო. პროცესის მიმდინარეობამ აჩვენა, რომ უკანონობისა და თვითნებობის მეორე ტალღაზე გადავედით. ცესკომ გადაწყვიტა არ განიხილოს და თავი არ აიტკიოს ჩვენს მიერ შეტანილი საჩივრებით. საჩივრების განუხილველად დატოვება არის სრულიად უკანონო გადაწყვეტილება. საჩუვრის განუხილველად დატოვების საფუძვლად მითითებულია საჩივრის შეტანა არაუფლებამოსილი პირის მიერ. საარჩევნო ადმინისტრაციის მხრიდან ეს სიახლეა, რადგან ყოველთვის, საოლქო საარჩევნო კომისიებში საჩივრები მუდმივად შეჰქომდათ პარტიის/ბლოკის წარმომადგენლებს. მათ ბლოკის სახელით კომისიების წინაშე წარმდგენი ინტერესების დაცვის უფლება აქვთ. ამიტომ, წარმომადგენლებისთვის დამატებით რწმუნებულის მოთხოვნა სრული აბსურდია. ყველა ეს ფაქტი მეტყველებს, რომ არჩევნები მიტაცებულია. მინდა მივმართო ცესკოს, დროზე მოეგონ გონს!"