"ეს არის ივანიშვილის სამართალი! ვინც ჩართულია ივანიშვილის გაყალბების სქემაში, პასუხი მოეთხოვება ყველას

"ეს არის ივანიშვილის სამართალი! ვინც ჩართულია ივანიშვილის გაყალბების სქემაში, პასუხი მოეთხოვება ყველას - უდუმაშვილი

პოლიტიკა - 13:52, 03 Nov, 2020

882

ერთიანი ნაციონალური მოძრაობის ერთ-ერთი ლიდერის ზალიკო უდუმაშვილის განცხადებით, ხელისუფლებამ პარტიის დამკვირვებლების მიმართ სამართლებრივი დევნა დაიწყო. როგორც უდუმაშვილმა აღნიშნა, ლინა დოლიძეს, ლიტვის მოქალაქეს, რომელიც იყო მედია დამკვირვებელი ჯერ სიტყვიერი შეურაცხყოფა და შემდეგ ფიზიკური შეურაცხყოფა მიაყენეს. რის შემდეგაც ლინამ გამოიძახა საპატრულო ეკიპაჟი. მეორე დღეს ლინა დაიბარეს საგამოძიებო უწყებაში და უპირებენ ბრალი წაუყენონ საარჩევნო უბანზე მომხდარი არეულობისთვის და სხვისი ნივთის დაზიანებისთვის.

"ეს არის ივანიშვილის სამართალი. მინდა მივმართო ყველას, ვინც ჩართულია ივანიშვილის გაყალბების სქემაში, პასუხი მოეთხოვება ყველას, არა მხოლოდ უშუალოდ საარჩევნო უბანზე მყოფ გამყალბებლებს, არამედ ყველა იმ პირს, რომელიც დღემდე ასრულებს ამ სქემას და ეს ეხება სამართალდამცავებს, რომლებიც უკანონო ქმედებებს ჩადიან. „როგორც ჩანს, „ქართული ოცნებისთვის“ და ბიძინა ივანიშვილისთვის საკმარისი არ აღმოჩნდა ის ყაჩაღობა, რომელიც მან ჩაიდინა საარჩევნო უბნებზე მთელი საქართველოს მასშტაბით. კარგად ვხედავდით სუს-ი „ზონდერ“ ჯგუფები როგორ ახდენდნენ შეტევას უბნებზე, შტურმი იყო საარჩევნო უბნებზე რათა მათ ოლიგარქისთვის სასურველი შედეგი დამდგარიყო, მაგრამ ეს არ აღმოჩნდა საკმარისი, ახლა დაიწყეს იმ დაკვირვებლების სამართლებრივი დევნა, რომლებიც იმ დღეს წარმოდგენილნი იყვნენ ჩვენ საარჩევნო უბნებზე."- განაცხადა უდუმაშვილმა.