ამ სამაჯურს არ გავიკეთებ, გამორიცხულია...მზად ვარ ბოლომდე ვიბრძოლო და ეს ბრძოლა ხალხის გამარჯვებით დამთავრდება

ამ სამაჯურს არ გავიკეთებ, გამორიცხულია...მზად ვარ ბოლომდე ვიბრძოლო და ეს ბრძოლა ხალხის გამარჯვებით დამთავრდება - მელიას პირველი კომენტარი

პოლიტიკა - 12:53, 03 Nov, 2020

867

გაერთიანებული ოპოზიციის გლდანის მაჟორიტარობის კანდიდატი ნიკა მელია პროკურატურის გადაწყვეტილებას ეხმაურება, რომლის მიხედვითაც შოთაძის უწყება ოპოზიციის ლიდერის დაპატიმრებას ითხოვს:
"ყველაფერი, რასაც ქართული ოცნება გააკეთებს, თავისივე საზიანო იქნება - ძალიან მჯერ ამის იმიტომ, რომ იმდენად ერთი - პოლიტიკურად გაკოტრებული გუნდია, მეორე - აბსოლუტურად მორალურად არასწორ მხარეს დგანან, სიმართლე მათ მხარეს არ არის, გუნდი, რომელიც არჩევნებს ატარებს იარაღის გამოყენებით, ძალადობრივი ქმედებებით, ხალხის დაშინებით და მიაჩნია, რომ ეს ნორმაა და ამის გამო პროტესტი არავის უნდა გამოეთქვა, აბსოლუტურად მეასე ხარისხოვანია, ჩემს ხელზე ეს სამაჯური იქნებოდა თუ არა, მაგრამ, როგორც ჩანს, ამ ადამიანებს აინტერესებთ, სამაჯური მიკეთია თუ არა ხელზე. მე ვთქვი, რომ ამ სამაჯურს ხელზე არ გავიკიეთებ და ასეც იქნება, დანარჩენი თავის თავს დააბრალოს ივანიშვილმა. აქამ კაცს თავს აღარ დაუხრის აღარავინ და ის ამ ქვეყანას ვერ მოხუფავს და ვერ დააკონსერვებს. ხელისუფალი, რომელიც მსგავს ნაბიჯებს დგამს, ამით კიდევ ერთ გზავნილს უგზავნის საზოგადოებას, რომ ის ენარცხება ძირს ძალიან მტკივნეულად და პანიკურ მდგომარეობაშია. ჩვენ ხომ არ ვართ იმ ქვეყანაში, სადაც სასამართლო დამოუკიდებელია ხელისუფლებისგან, ვიცი როგორც გადაწყვეტს ამას სასამართლო, მეგობრებთან ერთად მზად ვარ ბოლომდე ბრძოლისთვის და ეს ბოლომდე ბრძოლა იქნება ხალხის გამარჯვებით დამთავრებული. ამ სამაჯურს ხელზე არ გავიკეთებ, ბატონ ივანიშვილს ტყუილად აქვს ამის იმედი, მას ჰგონია, ელექტროსამაჯურით გამოძვრება იმ უმძიმესი დამაშაულის შემდეგ, რაც აქვს ჩადენილი" - განაცხადა მელიამ.