აშშ-ს სახელმწიფო მდივნის ყოფილი მოადგილე დევიდ ქრეიმერი ფორმულასთან საქართველოში გამართულ საპარლამენტო არჩევნებს აფასებს და აცხადებს, რომ ერთპარტიული სახელმწიფო, როგორც წესი, დემოკრატიასთან არ ასოცირდება.

"არ ვფიქრობ, რომ ეს კარგი იქნება ქვეყნისთვის და დასავლეთში მისი იმიჯისთვის. ერთპარტიული სახელმწიფო, როგორც წესი, დემოკრატიასთან არ ასოცირდება. თუ კი ოპოზიციის მიზანი ამ იმიჯის შექმნაა, ეს ქვეყნისთვის დამაზიანებელი იქნება. იმედია, ოპოზიცია და ქართული ოცნება იპოვნიან გზას, რათა დარწმუნებული იყვნენ, რომ ქვეყანა დემოკრატიის გზაზე რჩება. ეს ორივე მხრიდან გარკვეულ კომპრომისს მოითხოვს", - განაცხადა ქრეიმერმა.