ვაგრძელებთ ბრძოლას, რომ საქართველოში ჩატარდეს ნამდვილად თავისუფალი და დემოკრატიული არჩევნები

ვაგრძელებთ ბრძოლას, რომ საქართველოში ჩატარდეს ნამდვილად თავისუფალი და დემოკრატიული არჩევნები - ბადრი ჯაფარიძე

პოლიტიკა - 18:06, 02 Nov, 2020

814

“ლელო“ პარლამენტში შესვლას არ აპირებს. პოლიტიკური გაერთიანების იდეას სხვა ოპოზიციური პარტიებიც იზიარებენ.

ამის შესახებ “ლელოს“ გენერალურმა მდივანმა, ბადრი ჯაფარიძემ დღევანდელ ბრიფინგზე განაცხადა, მისი თქმით,„ლელო“ ჩატარებულ არჩევნებს ლეგიტიმურად არ ცნობს.

“ჩატარებულ არჩევნებს არ ვცნობთ ლეგიტიმურად, ის არის გაყალბებული, არ ასახავს ქართველი ხალხის ნებას, შესაბამისად, დღეს იმსჯელა „ლელოს“ პოლიტსაბჭომ და მიიღო გადაწყვეტილება, რომ „ლელო“ არ აპირებს შევიდეს ამ პარლამენტში, რადგან არ ვგეგმავთ არალეგიტიმურად არჩეული პარლამენტის ლეგიტიმიზაციას. ვაგრძელებთ ბრძოლას, რომ საქართველოში ჩატარდეს ნამდვილად თავისუფალი და დემოკრატიული არჩევნები, რომლის შედეგები მართლაც ასახავს ქართველი ხალხის ნებას. მოხარულები ვართ, რომ სხვა ოპოზიციური პარტიებიც იზიარებენ ჩვენს პოზიციას. ეს არის ჩვენი გადაწყვეტილება და ძალიან გვიხარია, რომ ოპოზიციური სპექტრი მთლიანად იზიარებს ამ გადაწყვეტილებას და ჩვენ ოპოზიციურ პარტიებთან ერთად გავაგრძელებთ ბრძოლას, საპროტესტო აქციებს, რომ ერთხელ და სამუდამოდ დასრულდეს ჩვენს ქვეყანაში გაყალბებული არჩევნების ჩატარება და მივიღოთ ობიექტური, თავისუფალ გარემოში ჩატარებული არჩევნები. ჩვენი მიზანია, რომ დაინიშნოს ახალი არჩევნები, რომლის შედეგებიც არც ერთ კითხვის ნიშანს არ გამოიწვევს,“ - განაცხადა ჯაფარიძემ.