"კიდევ ერთხელ დავანახოთ ყველას, ვინ არის საქართველო! დღეიდან ერთი კვირის თავზე ვგეგმავთ გრანდიოზულ აქციას"

"კიდევ ერთხელ დავანახოთ ყველას, ვინ არის საქართველო! დღეიდან ერთი კვირის თავზე ვგეგმავთ გრანდიოზულ აქციას" – გიგი უგულავა

პოლიტიკა - 19:40, 01 Nov, 2020

792

გიგი უგულავამ, "ევროპული საქართველოს" ზუგდიდის მაჟორიტარობის კანდიდატმა, რუსთაველის გამზირზე, არჩევნების შედეგების გასაპროტესტებლად მიმდინარე აქციაზე დაანონსა, რომ მომავალ კვირას ოპოზიციური პარტიები გეგმავენ დიდ აქციას და მსვლელობას.

"პარტიები იმსჯელებენ მე დარწმუნებული ვარ, ყველა ღირსეულ გადაწყვეტილებას მიიღებს მაგრამ, დღეიდან ერთი კვირის თავზე, კვირას – ჩვენ ყველა პოლიტიკური ორგანიზაცია სამოქალაქო, და მთლიანად ქართული საზოგადოება ვგეგმავთ გრანდიოზულ აქციას, მსვლელობას, რომ კიდევ ერთხელ დავანახოთ ყველას, ვინ არის საქართველო, რომ ხალხმა, რომელიც გუშინ შოკში იყო და ხელიდან გამოსტაცეს ეს გამარჯვება, თავისი ძალა დაანახოს, ეს არის ერთადერთი გამოსავალი." – განაცხადა გიგი უგულავამ.

გიგი უგულავამ, ხაზი გაუსვა, რომ გარეჯი საქართველოა და ივერი მელაშვილისა და ნატალია ილიჩოვას დაკავების ფაქტსაც გამოეხმაურა .ხოლო, ხალხს მოუწოდა მათი თავისუფლებისთვის ბრძოლა განაგრძონ.

"გუშინ მთელი დღე ივანიშვილის პროპაგანდისტულ საშუალებებზე ეწერა ასეთი წარწერა "გარეჯი საქართველოა". დიახ, მეგობრებო, გარეჯი საქართველოა მაგრამ ივანიშვილი არ არის საქართველო, გუშინდელი არჩევნებისთვის დაკავებული ყავთ უკანონოდ ადამიანები, მეცნიერები, აქტივისტები, და მათი ბრძოლისთვის, მათი თავისუფლებისთვის, ამ პარლამენტს ყველამ უნდა უთხრას – არა" – თქვა გიგი უგულავამ.

შეგახსენებთ, ამ წუთებში რუსთაველის გამზირზე საპროტესტო აქცია მიმდინარეობს.