როგორც „რეფორმერის“ თავმჯდომარემ თორნიკე ჯანაშვილმა განაცხადა, 31 ოქტომბრის არჩევნები იყო ბოლო ათწლეულების განმავლობაში ყველაზე სამარცხვინო არჩევნები, რომელიც საფრთხეს უქმნის ქვეყნის დემოკრატიულ მომავალს.

თორნიკე ჯანაშვილი: ეს პროცესი აზიანებს ქვეყნის იმიჯს, განვითარებას, დემოკრატიულ პროცესებს. არჩევნები ჩატარდა წარმოუდგენელი დარღვევებით თითქმის ყველა ოლქში. ჩვენ ცალსახად ვაცხადებთ, რომ „რეფორმერი“ არ აღიარებს არჩევნების შედეგებს.

რეფორმერი ყოველთვის იქნება ხალხის გვერდით, ჩვენ ვუერთდებით პროტესტს მოქალაქეთა ხმების დასაცავად, ჩვენ დავიცავთ თითოეული მოქალაქის ხმას. ამ ეტაპზე არ აქვს მნიშვნელობა პარტიულ კუთვნილებას და პოლიტიკურ ინტერესებს, ჩვენ დავიცავთ როგორც ჩვენს, ასევე სხვა პარტიების მხარდამჭერთა ხმებს, ჩვენ ყოველთვის ვიბრძოლებთ, რომ საქართველო იყოს ჭეშმარიტად დემოკრატიული ქვეყანა.

ჩვენ არ დავუშვებთ რომ ჩვენი მოქალაქეების ხმები, მიითვისოს და მოიპაროს ყველამ, ვისაც ეს მოესურვება. 21-ე საუკუნეში დემოკრატიული არჩევნები არის ხალხის მოთხოვნა. ჩვენ ვუერთდებით პროტესტს, რომელიც იმართება მოქალაქეთა ხმების დასაცავად.“ - აცხადებს პარტია „რეფორმერის“ თავმჯდომარე თორნიკე ჯანაშვილი.