არასამთავრობო ორგანიზაციების ნაწილი ამბობს, რომ არჩევნები გაყალბებულია და "ოცნებამ" ხალხის ნება მოიპარა, ხოლო ნაწილი თვლის, რომ აუცილებელია კონკრეტული დარღვევების გამოძიება.

"მეორე კლასის განათლებით ცდილობენ ოქნების ჩასწორებას, ცენტრალური საარჩევნო კომისია ცდილობს დაამტკიცოს, რომ მათემატიკა არ არის ზუსტი მეცნიერება. ამის უფლებას "სამოქალაქო პლატფორმა 2020" არ მისცემს, ყველა სამართლებრივ საფუძველს, ბერკეტს, რათა ამას აღვუდგეთ წინ, ვინაიდან ახლა შეფარვითი ანგარიშის დრო არ არის. გუშინ პასუხისმგებლიან მოქალაქეებს საარჩევნო ადმინისტრაციამ მოპარა თავისი ნება,"- განაცხადა პლატფორმა 2020-ის წარმომადგენელმა.

„სამართლიანი არჩევნებისა და დემოკრატიის საერთაშორისო საზოგადოების" აღმასრულებელი დირექტორის, ელენე ნიჟარაძის თქმით, გამოკვეთილი ტენდენციის სახე ჰქონდა შემაჯამებელ ოქმებში დისბალანსის ისეთ შემთხვევებს, როცა ბიულეტინების რაოდენობა აღემატებოდა ამომრჩველთა სიებში ამორჩეველთა ხელმოწერების რაოდენობას ამიტომ, იმ უბნებზე ხელახლა უნდა დაითვალონ შედეგები.

„გამოკვეთილი ტენდენციის სახე ჰქონდა შემაჯამებელ ოქმებში დისბალანსის ისეთ შემთხვევებს, როცა ბიულეტინების რაოდენობა აღემატებოდა ამომრჩველთა სიებში ამორჩეველთა ხელმოწერების რაოდენობას - არჩევნების საბოლოო შედეგების შეჯამებამდე საარჩევნო ადმინისტრაციამ თავიდან უნდა გადათვალოს შედეგები იმ საარჩევნო უბნებზე სადაც შემაჯამებელ ოქმებში ბიულეტენების მეტობა დაფიქსირდა”- განაცხადა ელენე ნიჟარაძემ .