გავიმარჯვეთ, ახლა მთავარია ერთობა - სააკაშვილი ეგზითპოლზე

პოლიტიკა - 20:39, 31 Oct, 2020

1367

საქართველოს მესამე პრეზიდენტი მიხეილ სააკაშვილი ამბობს, რომ ოპოზიციისა და ერთიანი ნაციონალური მოძრაობის დამაჯერებელი გამარჯვების შემდეგ მთავარია ერთიანობა და ისეთი მთავრობის ფორმირება, რომელიც ქვეყანას კრიზისიდან გამოიოყვანს.

სააკაშვილის თქმით,მისთვის არაა მთავარი თანამდებობა და იმის მიუხედავად, რომ ენმ-მ მოიპოვა ორჯერ და მეტჯერ მეტი ხმა სხვა ოპოზიციურ პარტიებზე, ახლა მთავარია ერთიანი პოზიცია, რომელიც იმ პატარა პარტიებთან ერთად უნდა შემუშავდეს.

"იმ პირობებშიც კი, როცა მე არ მომეცა საქართველოში ჩასვლის საშუალება, ოპოზიციამ მოიპოვა დამაჯერებელი გამარჯვება ე.წ. ქართულ ოცნებაზე, მათ შორის, ენმ-მ მოიგო თბილისი, მოიგო დიდი ქალაქები, და ეს მოხდა დაშინების, შანტაჟის პირობებში, ახლა ჩვენთვის მთავარია, რომ შევქმნათ ეროვნული ერთიანობის მთავრობა და შევძლოთ კრიზისიდან ქვეყნის გამოყვანა.მე არ მაინტერესებს არცერთი თანამდებობა, მათ შორის, არც პრემიერმინისტრის თანამდებობა საქართველოში, მაგრამ მე სად ვიქნები ფიზიკურად, ჩემი ქვეყნის სამსახურში, ამას გამოვაცხადებ უახლოეს დღეებში, მე არასდროს მეშინოდა არც გამარჯვებული და არც დამარცხებული ივანიშვილის, რას მოიმოქმედებს ახლა ივანიშვილი - ეცდება თუ არა გაყალბებას, არანაირი მნიშვნელობა არა აქვს, რადგან ხალხმა არჩევანი გააკეთა და მე ვურჩევდი მას, შეეგუოს, რადგან ხელისუფლებით არ იწყება ცხოვრება, მე მშვიდიბიანად გადავაბაერე ხელისუფლება და ასევე უნდა მოიქცეს ისიც." - აცხადებს სააკაშვილი.