არჩევნები 2020 დარღვევებით მიმდინარეობს წალკაში, ბეშთუბნის მე–13 საარჩევნო უბანზე.

როგორც „ნიუპოსტის“ წყარო იტყობინება, ადგილობრივი მოსახლეობის უმრავლესობამ ქართულ ენაზე კითხვა არ იცის, შესაბამისად მათ ეუბნებიან, რომ კაბინაში შეყვებიან და დაეხმარებიან არჩევანის გაკეთებაში.

უბანზე მყოფი დამკვირვებელი „ნიუპოსტს“ ატყობინებს, რომ კაბინაში წყვილად შედიან, რაც დარღვევაა.

ასევე არის შემთხვევები, როცა დამკვირვებელი უბანს ტოვებს და გარეთ გადის.

ჩვენი წყაროს ცნობით, უბანზე ხმას აფიქსირებენ ისეთი ადამიანებიც, რომლებიც არჩევნებისთვის ჰყავთ მისამართებზე მიწერილი და ისინი ადგილობრივები არ არიან.