"არანაკლებ 55-60%, 100 მანდატი ექნება ოცნებას"- ბიძინა ივანიშვილმა ხმა უკვე მისცა და კოალიციური მთავრობა გამორიცხა

პოლიტიკა - 08:21, 31 Oct, 2020

1143

2020 წლის გადამწყვეტი არჩევნები - "ქართული ოცნების" თავმჯდომარე, ბიძინა ივანიშვილმა ხმა უკვე მისცა.

საარჩევნო უბანზე ივანიშვილი ოჯახთან ერთად მივიდა.
ივანიშვილმა მედიასთან კომენტარი გააკეთა.
"მოვუწოდებ ყველას თავის ქვეყნის მომავალს მისცეს ხმა"- განაცახადა ივანიშვილმა.
"ოცნების' ლიდერმა კოალიციური მთავრობა გამორიცხა და თქვა, რომ მმართველ ძალას პარლამენტში 100 მანდატუი ექნება:

„ჩვენ მუდამ კველევებს ვატარებთ, სტაბილური კვლევები გვაქვს ყველგან. ჩვენ ვფიქრობთ, რომ 55%-60%-ის შუალედში ავიღებთ. გარდა შიდა პარტიული კვლევებისა, სხვა კვლევებიც არსებობს თუ ადევნებთ თვალს, თუმცა ორი- სამი არხი, რომელიც სიცრუეზეა აგებული, მათ კვლევებს ანგარიშს არ ვუწევთ. ჩვენ კოალიციას გამოვრიცხავთ. სოლიდური უმრავლესობით მოვალთ. „ქართულ ოცნებას“ საშუალოდ 100 მანდატი ექნება, პლუს -მინუს ორი მანდატი“, - განაცხადა ივანიშვილმა.

მანამდე კი ივანიშვილმა განმარტა, რა პრინციპით იხელმძღცვანელა:
„დღეს საქართველო აკეთებს თავის არჩევანს. საქართველოს მოქალაქეების თვისუფალი არჩევანი განსაზღვრავს ქვეყნის განვითარების უახლოეს 4 წელს და უფრო შორეულ პერსპექტივას. მე პირადად ხმა ქვეყნის განვითარების სტაბილურობას, მშვიდობას, ჩვენს ევროპულ მომავალს, ეკონომიკურ ზრდას, თითოეული ოჯახის კეთილდღეობას და რაც მთავარია, ადამიანის ღირსებას და პატივის დაცვას მივეცი. ვფიქრობ, ეს ღირებულებები, რომლებიც ადამიანზე მორგებული მოსახლეობის აბსოლუტურ უმრავლესობას აქვს განსაზღვრული და გააზრებული და ვფიქრობ, რომ მოსახლეობის უმრავლესობა სწორედ ამ მიმართულებას მისცემს ხმას. მოვუწოდებდი ყველას, რომ თავისი ოჯახის და ქვეყნის მომავალს მისცენ ხმა და აუცილებლად მოვიდნენ არჩევნებზე“, - აღნიშნა