გადამწყვეტი არჩევნები - საარჩევნო უბნები გახნილია, მოქალაქეებმა ხმის მიცემა დაიწყეს

პოლიტიკა - 08:10, 31 Oct, 2020

1316

დღეს, 31 ოქტომბერს ქვეყანაში გადამწყვეტი არჩევნები ტარდება - დილის 8 საათიდან საქართველოს ყველა საარჩევნო უბანი გაიხსნა და ხმის მიცემა დაიწყო და ქვეყნის მოქალაქეები საქართველოს პარლამენტის დეპუტატებს აირჩევენ, რომლებიც თავის მხრივ დააკომპლექტებენ მთავრობას, რომელიც ქვეყნის ხელისუფლებაში დარჩება მოდმევნო 4 წლის განმავლობაში.

სულ საქართველოს პარლამენტი 150 მანდატიანი, სადანაც 120 მანდატი პროპორციული წესით აირჩევა, კიდევ 30 მანდატი მაჟორიტარული ოლქებიდან არჩეული დეპუტატებით შეივსება.

უბნები 07:00 საათზე გაიხსნა, თუმცა კენჭისყრის დაწყებამდე გარკვეული პროცედურები ჩატარდა. კენჭისყრის შენობა 20:00 საათზე დაიკეტება.

გადასატანი საარჩევნო ყუთის მეშვეობით კენჭისყრის პროცედურა 09:00 საათიდან დაიწყება და 19:00 საათზე დასრულდება. გადასატანი საარჩევნო ყუთი საარჩევნო უბანში უნდა დაბრუნდეს არა უგვიანეს 20:00 საათისა.

არჩევნების ჩასატარებლად ქვეყნის მასშტაბით 3 657 საარჩევნო უბანი, გამონაკლის შემთხვევაში შექმნილი 11 უბანი და სტაციონარულ სამკურნალო დაწესებულებებსა და იზოლაციაში (კარანტინი, თვითიზოლაცია) მყოფი ამომრჩევლების არჩევნებში მონაწილეობის უზრუნველყოფის მიზნით შექმნილი 127 სპეციალური უბანი გაიხსნება, ასევე 52 (მათ შორის 2 ავღანეთში) საარჩევნო უბანი იქნება საზღვარგარეთ (38 ქვეყანა).

ამომრჩეველთა ერთიან სიაში 3 526 023 ამომრჩეველია, მათ შორის საზღვარგარეთ რეგისტრირებული 14 170.