"ჩვენ მათი სახელით გავაგრძელებთ ბრძოლას და ხვალ გამარჯვებულები ვიქნებით, მაგრამ ცრემლიანი გამარჯვებულები..."

"ჩვენ მათი სახელით გავაგრძელებთ ბრძოლას და ხვალ გამარჯვებულები ვიქნებით, მაგრამ ცრემლიანი გამარჯვებულები..." - მელია გორში დატრიალებულ ტრაგედიაზე

პოლიტიკა - 10:58, 30 Oct, 2020

1321

„ნაციონალური მოძრაობის“ ლიდერი და გაერთიანებული ოპოზიციის გლდანის მაჟორიტარ ობის კანდიდატის ნიკა მელია გუშინ ღამე მომხდარ ტრაგედიას ეხმაურება.

მელიას თქმით, გარდაცვლილებთან მომავალი და ამ მომავლისთვის ბრძოლა აკავშირებთ:

"არის წუთები, როდესაც სიტყვა ფასს კარგავს, ვეღარაფერს ვეღარ გადმოსცემს, აღარც კი იცი, აქვს თუ არა რაიმე აზრი რაიმეს თქმას.

დაიღუპა ჩვენი 6 მეგობარი, მხოლოდ მეგობრები კი არა, რომელთანაც ერთად გამოვლილი წლები, წარსული გაკავშირებს, არამედ - თანამებრძოლებიც, რომელთან უფრო ძვირფასი - მომავალი და ამ მომავლისთვის ბრძოლა გაკავშირებს - ადამიანები ვისაც ეიმედებოდი და ვინც გეიმედებოდნენ....

ჩვენ მათ გარეშე, მაგრამ მათი სახელით გავაგრძელებთ ბრძოლას და ხვალ გამარჯვებულები ვიქნებით, მაგრამ ცრემლიანი გამარჯვებულები..."- წერს მელია.

შეგახსენებთ, გუშინ, გვიან ღამით ავტობანზე გაჩერებულ სამარშრუტო მიკროავტობუსს ტრაილერი შეეჯახა. დაიღუპა 6, დაშავდა 10 ადამიანი. დაშავებულები სასწრაფო სამედიცინო ჯგუფმა „გორმედში“ გადაიყვანა.

შსს-მ გამოძიება 276-ე მუხლის, მე-8 ნაწილით დაიწყო.