ევროპული საქართველოს ბათუმის მაჟორიტარობის კანდიდატის, არმაზ ახვლედიანის თქმით, ბათუმის მრავალფერობნება არის საქართველოს სიმდიდრე, თუმცა როგორც ბათუმში ისე სხვაგან უმცირესობების წარმომადგენლებს აქვთ განცდა, რომ არიან მეორეხარისხოვანი მოქალაქეები.

ახვლედიანმა აღნიშნა, რომ ამ უხერხულობისა და უსამართლობის დასაძლევად საჭიროა რეალური, დემოკრატიულო თვითმმართველობა, რაც თითოეულ ადამიანს აქცევს პირველხარისხოვან მოქალაქედ.

„ჩემს ბავშვობაში, ცოტა მერეც, ბათუმში ბევრს ნახავდით ისეთს, ვინც საუბრობდა თავისუფლად, ყოველ შემთხვევაში, სხვებისთვის გასაგებად სომხურად, აზრბაიჯანულად, რუსულად, ბერძნულად... მამაჩემი მეუბნებოდა, რომ მამიდამისი, რომელიც დღევანდელ ბაქოს ქუჩაზე ცხოვრობდა, საუბრობდა აგრეთვე ინგლისურად და ფრანგულად.

ბათუმის მრავალფეროვნება საქართველოს წარმოუდგენელი სიმდიდრეა! ბათუმმა მოახერხა და ეს ტრადიცია, ყველაფრის მიუხედავად, შეინარჩუნა. ასეთ ყავის სურნელს, სომეხი რომ იტყვის, სომხური ყავააო, ბერძენი იტყვის, ჩვენიაო... მოკლედ, ასეთ მრავლფეროვნებას ალბათ სხვაგან ვერსად ნახავთ, მაგრამ ერთი რამ, რაც ამის თანმხლებია და მე პირადად ყოველთვის მიქმნიდა და ახლაც მიქმნის უხერხულობას – ეს არის იმის განცდა, რომ ეთნიკური უმცირესობების წარმომადგენლებს აქ, ბათუმში და ყველგან საქართველოში, აქვთ ხოლმე განცდა იმისა, რომ არიან მეორეხარისხოვანი მოქალაქეები. იქნებ უხერხულად ვთქვი, მაგრამ, მე მგონი, ეს არის ღია, შეუნიღბავი სიმართლე! სწორედ ამიტომ მიმაჩნია, ეს უხერხულობა, ეს უსამართლობა რომ დავძლიოთ, გვჭირდება რეალური, ნამდვილი, დემოკრატიული თვითმმართველობა ბათუმშიც, ქუთაისშიც... დემოკრატიული, სამათლებრივი სახელმწიფო. მაშინ ყველა, ჩვენ ყველა, ვიქნებით პირველხარისხოვანი მოქალაქე.“ - ახვლედიანი